Муниципаль районнар Теләче муниципаль районы

“Укучының мәдәни көндәлеге”

2017 елның 18 сентябре, дүшәмбе

Олы Мишә урта мәктәбенең башлангыч сыйныф укучылары “Укучының мәдәни көндәлеге” белән танышу өчен Олы Мишә авылы китапханәсенә кунакка бардык. Анда безне чып-чын Сөембикә- ханбикә, чиккән алъяпкыч, чиккән яулыклар япкан татар кызлары һәм урманнан килгән Куянкай көтеп тора иде. Сөембикә- ханбикә безгә Казан турында сөйләде, ә Куянкай безнең белемнәребезне сынады, татар кызлары безгә кросссворд чишәргә ярдәм итте. Авыл китап ханәсендә без күп мәгълүмат алдык. Бу кичә бик кызыклы һәм файдалы булды. Укучының мәдәни көндәлеген чын күңелдән тутырырбыз, илебезнең тарихы белән ныграк танышырбыз. Без Татарстаныбызны яратабыз, аның белән горурланабыз.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

октябрь, 2024 ел

ГРАЖДАННАРНЫ КАБУЛ ИТУ

2024 елның 22 октябрь көнне Татарстан Республикасы Дәүләт техника күзәтчелеге идарәсенең Теләче муниципаль районы буенча бүлегендә гражданнарны кабул итү уздырыла. Кабул итү вакыты: 09.00-12.00 кә кадәр.

"Эколяталар белән агачларны коткарабыз!"

"Эколяталар белән агачларны коткарабыз!"- шундый девиз астында Теләче 3 нче номерлы балалар бакчасында уртанчы төркеме тәрбияләнүчеләр (тәрбиячесе Хафизова А.Р.) «БумБатл» Бөтенроссия макулатура җыю акциясендә актив катнаштылар. Билгеле булганча, бер кеше елына уртача 150 кг га кадәр кәгазь чыгарып ата. Ә 1 тонна кәгазь алу өчен якынча 10 агач һәм 20 000 литр су тотыла. Макулатураны икенчел эшкәртүгә тапшырып, чүплекләрнең зурлыгын киметеп кенә калмыйча, табигать ресурсларын сизелерлек экономияләргә, суның пычрануын киметергә дә мөмкин. Тәрбияләнүчеләребез 150 кг макулатура җыйдылар.

Танып-белү экскурсиясе үткәрделәр.

Үсеп килүче буынга рухи-патриотик тәрбия бирү максатыннан бүген «Алдынгылар хәрәкәте» остазлары һәм яшь армиячеләр активистлары Теләче 3нче номерлы балалар бакчасының мәктәпкә әзерлек төркеменә йөрүче балаларга танып-белү экскурсиясе үткәрделәр. Тәрбияләнүчеләр Бөек Ватан сугышында һәлак булган сугышчыларга куелган һәйкәлне карадылар. Остазлар балаларга сугыш, һәм якташ катнашкан каһарманнарыбыз турында сөйләделәр. Чара ЮИД үсеше һәм «Алдынгылар хәрәкәте» нигезендә остазлык принципларын кертүгә ярдәм итә.

Хәтер көне – Казанны яклап шәһит киткәннәрнең якты рухлары алдында баш ию, аларның горур көрәшен, батырлыкларын искә алу көне.

Шул уңайдан 12 октябрь көнне Урта Мишә авылы китапханәсендә, клуб белән берлектә “Хәтер исән икән – тарих бар” дип исемләнгән хәтер сәгате үткәрелде. 1552 елның 15 октябре - татар халкы өчен иң фаҗигале көн, үз дәүләтчелеген югалту көне булып тора. Укучылар Казан ханлыгы тарихы, Сөембикә - ханбикәнең идарә иткән еллары белән таныштылар. Әлеге мөһим вакыйгага багышланган “Чорлар аша тарихыбыз дәшә” исемле китап күргәзмәсе оештырылды. Күргәзмә татар халкы тарихы белән кызыксынучы киң даирә укучыларга исәпләнгән.

ЯҢАЛЫКЛАРГА ЯЗЫЛУ