23 сентябрь көнне Арча районында Татарстан Республикасы мәгариф хезмәткәрләре спартакидасының финал уеннары узды.

Ярышларда бөтен республикадан җыелган укытучылар, мәгариф бүлеге җитәкчеләре һәм Мәгариф министрлыгы командасы катнашты.

Спартакиада кысаларында педагоглар спортның 9 төре буенча көч сынашты:  җитәкчеләр йөгерүе, җиңел атлетика, озынлыкка сикерү, бадминтон, канат тарту, пневматик винтовкадан ату, мини-футбол, гер күтәрү һәм йөзү. Теләче җыелма командасы түбәндәге призлы урыннарны яулады:

Бадминтон:

Җаббаров Алмаз (Баландыш мәктәбе) – 1 урын

Җаббарова Гөлнара (Баландыш мәктәбе) – 3 урын

Пневматик винтовкадан ату:

Гатиятов Рәсип (Теләче мәктәбе) – 2 урын

           Финал этабы нәтиҗәләре буенча, Теләче районы педагоглары җыелма командасы, үз эченә укучылар саны 3500 дән ким булган 24 район кергән группада 5 нче урынга лаек булды.