Табигатькә сакчыл караш тәрбияләү – җиңел эш түгел.

2018 елның 23 октябре, сишәмбе

Үгет-нәсихәт биреп кенә нәтиҗәгә ирешүе кыен. Моңа ничек ирешергә соң? Бары табигатьнең матурлыгын, гүзәллеген аңлау, ярату аша. Табигать белән гармониядә яшәгәндә генә кеше сәламәт була. Шул уңайдан 18 октябрь көнне Баландыш мәдәният йортында, китапханәче белән берлектә берләшмәгә йөрүче укучы балалар белән «Көзнең кәрзинендә ниләр бар?» дип исемләнгән әдәби сәгать уздырылды. Бу чарада көзге табигатьнең гүзәллеге, аның байлыгы турында сорауларга җаваплар алынды. “Көзге яфраклар” һәм “Кояшкай” командалары  һәр сорауга тапкыр, төгәл җаваплар бирделәр. Аларга илһам чыганагы булып табигатьнең хис- тойгыларга тәэсир итүе, күңелне сафландыруы, баетуы ярдәмгә килде.