2018 елның 20 октябрендә Әлки районының Базарлы Матак авылында 2002-2004 нче елгы егетләр һәм кызлар арасында билбау көрәше буенча авыл хуҗалыгы хезмәткәрләре көненә багышланган республика турниры узды.

2018 елның 23 октябре, сишәмбе

Барлыгы 12 команда, 90 артык спортчы катнашкан әлеге турнирда «Теләче» балалар – яшүсмерләр спорт мәктәбе укучылары да катнашты. Кызлар арасында 48 кг. кадәр үлчәү авырлыгында Фәләхова Алсу (Теләче урта мәктәбе) – 3 урын, 52 кг. кадәр үлчәү авырлыгында Шәйхетдинова Резеда (Теләче урта мәктәбе) – 2 урын, егетләр арасында 77 кг. кадәр үлчәү авырлыгында Баев Илфир (Үзәк урта мәктәбе) – 2 урын, 95 кг. кадәр үлчәү авырлыгында Зарипов Багир – 1 урын.

 Әлеге спортчыларның тренер-укытучылары – Гыйниятуллин Ф.С., Гыйниятуллин И.С.