"Көзге уңыш" бәйрәме

2018 елның 25 октябре, пәнҗешәмбе

Һәр елны, көзге уңышны җыеп алганнан соң, Теләче 2нче балалар бакчасында балалар белән  көзге бәйрәмнәр үткәрелә.  23 нче октябрь көнне зурлар төркемә йөрүче балалар белән " Уңыш бәйрәме» исемле бәйрәм үткәрелде. Балалар залга күңелле музыка астында керделәр 1әм алар янына көтмәгәндә  кунак булып «Көз кызы» килде. "Көз кызы" яшелчә һәм җиләк-җимеш турында табышмаклар әйтте, күңелле музыка астында балалар белән « Утырт һәм уңышны җыеп ал», « Уңыш аукционы», « Бәрәңге чүплә» уеннарын уйнады. Бәйрәм күңелле, кызыклы үтте. Әти-әниләр дә зур кызыксыну белән балаларның җырларын һәм шигырьләрен тыңладылар, алар белән бергә  уеннарда катнаштылар.