29 октябрь көнне Теләче үзәк китапханәсендә, комсомолның 100 еллыгына багышланган “Син яшьлегем минем, комсомол!” дип исемләнгән кичә үтте.

2018 елның 31 октябре, чәршәмбе

Чарага Муниципаль район Советы Аппараты җитәкчесе Илдар Вакыйф улы Мөбинов, оештыру бүлеге җитәкчесе Рафаэль Накыйф улы Яруллин һәм 50-80 елларда комсомол оешмасы җитәкчеләре катнашты. Кичәне Теләче җирлекара китапханәләр директоры Ризидә Миннехан кызы Дәүлиева ачып җибәрде. Чарада катнашучы һәрбер кунак, комсомол чорында булган истәлекле вакыйгаларын яңартты, шулай ук очрашуда шул чор җырлары җырланды. Әлеге кичәгә китап күргәзмәсе эшләнде һәм видеоязма күрсәтелде.