Теләченең беренче номерлы балалар бакчасында эшләүче барлык тәрбиячеләрне дә игелекле максат – сәламәт һәм мәктәпкә яхшы әзерлекле балалар тәрбияләү берләштерә.

2018 елның 7 ноябре, чәршәмбе

Мәгарифне модернизацияләүнең яңа этабында тәрбия һәм белем бирүнең сыйфатын күтәрү педагогик берләшмәләр алында торган бурычларның берсе. Педагоглар арасында педагогик хезмәттәшлекнең бик күп формалары бар. Шуларның берсе булып тәҗрибә уртаклашу тора. Бүген үзенең эш тәҗрибәләре белән 1 категорияле тәрбияче Башарова Л.Х бүлеште. Ул беренче кечкенәләр төркеме балалары белән әвәләү шөгыле үткәрде. Шөгыль барышында тәрбияче күрсәтмә һәм дидактик материаллар, техник чаралар файдаланды. Әлеге чаралар балаларга теге яки бу эшне аңлаешлы итеп аңлатырга һәм күрсәтергә ярдәм итә.

Алдагы көннәрдә үзләренең тәҗрибәләре белән Исхакова Л.Ф., Мухаметзянова М.Е. бүлешкән иде.