Хөрмәтле әти-әниләр!

2018 елның 12 декабре, чәршәмбе

"ШАЯН ТВ”балалар телеканалы эшли башлады. Аның  тапшыруларын дөньяның барлык почмакларында яшәүче  татар телле балалар карый алачак. Канал белән беррәттән  шул ук исемдәге сайт та җибәрелде. "Шаян ТВ» 0-15 яшьлек балаларга юнәлдерелгән. Программада 20 дән артык оригиналь танып-белү, белем бирүче программалары, уен тамашалары һәм викториналар, шулай ук татар теленә тәрҗемә ителгән мультипликацион, фәнни-популяр, документаль һәм нәфис фильмнар бар. Канал тәүлек буе эшли. Нигезендә-алты сәгатьлек тапшырулар  блогы, ул аннары кабатланып күрсәтеләчәк. Бу төрле төбәкләрдә һәм илләрдә яшәгән  балаларның яраткантапшыруларын уңайлы вакытта күрә алулары өчен эшләнелә.