23-25 гыйнвар көннәрендә Арча шәһәрендә 2005-2006 елгы үсмерләр арасында мини-футбол буенча Татарстан беренчелегенең финал уеннары узды.

2019 елның 30 гыйнвары, чәршәмбе

Финалда зона турларында җиңеп беренче урын яулаган 8 команда катнашты, алар арасында Теләченең балаларга белем һәм тәрбия бирү үзәгенең өстәмә белем бирү педагогы Артур Хәбиров җитәкчелеге астында безнең район командасы да бар иде.

Районыбыз командасының уен нәтиҗәләре түбәндәгечә:

Казанның Вахитов районы спорт мәктәбе-Теләче:3:3

 “Олимп”(Алабуга)-Теләче: 4:2

“Эверест”(Биектау)-Теләче: 2:2

Теләче-Әгерҗе: 4:2

Теләче- Казанның Вахитов районы спорт мәктәбе(икенче команда)6:3

Уен нәтиҗәләре буенча,Теләче яшүсмерләре командасы республика буенча 6 урынны яулады.