Туган җир... Туган авыл...
Безнең һәрберебезнең газиз туган йорты, нигезебез урнашкан туган авылы бар. Анда – безнең үткән тарихыбызның бер өлеше, халыкның моңы-зары, кайгысы-шатлыгы, куаныч һәм сагышы. 13 февраль көнне Урта Мишә авыл китапханәсендә, клуб белән берлектә, ТАССРның 100 еллыгы уңаеннан “Безнең хезмәт еллары һәм юллары” исемле очрашу үткәрелде.Чакырылган кунаклар авыл тормышы һәм тарихы белән бәйле хатирәләре белән уртаклаштылар. Бик күп кызыклы мәгълүматлар саклана торган "Авылым тарихы" дип аталган күргәзмәдәге папкалар һәм альбомнар белән таныштылар. Кеше китә - җыры кала. Бу дөньяда без яшибез икән, без үз тарихыбызны белергә, үзебездән соң калган буыннарга аналарны олылау, туган җиребезне, туган телебезне, динебезне хөрмәт итү, табигатьне саклау кебек күркәм сыйфатларны, гореф гадәтләрне яшь буынга тапшырырга, мирас итеп калдырырга тиеш.