Әфган сугышы ветераннары белән очрашу

2019 елның 20 феврале, чәршәмбе

15 нче февральдә совет гаскәрләрен Әфганстаннан чыгаруга 30 ел тулды. Шул уңайдан район күләмендә төрле чаралар оештырыла. 13 нче февраль көнне Сауш төп мәктәбенә дә укучылар белән очрашуга дүрт әфганчы килгән иде. Алар – Галимҗанов А.М., Ногманов М.З., Котников В.Н. һәм Камалиев А.Н.. Әфганчылар үзләре күргән-кичергәннәрне сөйләделәр, укучыларның сорауларына җавап бирделәр. Әлеге очрашуда илләребез тыныч, күкләребез аяз, дөньяларыбыз имин булсын дигән теләкләр әйтелде. Сугышлар булмасын, гомерләр киселмәсен иде!