17 нче апрель көнне Баландыш авыл китапханәсендә "Без Тукайны укыйбыз» дип исемләнгән әдәби сәгать үткәрелде.

2019 елның 22 апреле, дүшәмбе

Апрель аенда без яраткан татар шагыйре Габдулла Тукайның туган көнен билгеләп үтәбез. Тукай китаплары балаларны туган як матурлыгын күрә белергә, игелеклелелек эшләргә өйрәтә, шәфкатьле, гадел һәм кыю булырга өнди.

Балалар Г. Тукай иҗаты белән таныштылар. Шигырьләр тыңладылар һәм сөйләделәр, аларның мәгънәсен аңлаттылар, геройларга кыскача характеристика бирделәр. Алар зур соклану белән һәр әсәрне шәрехләделәр.

Тукай әсәрләре, яше һәм милләтенә карамастан, менә инде йөздән артык үз укучысын таба.