1 нче апрельдан - 21 нче апрельга кадәр Татнетны үстерү фонды һәм Татарстан китап нәшрияты белән бергә VII Дөньякүләм "Әдәби марафон" (#әдәбимарафон) оештырылды. Проектның максаты - яхшы гадәт - татарча әдәби әсәрләр, китаплар һәм журналлар уку гадәтен формалаштыру. 15 нче май көнне Казанның УНИКС залында оештырылган йомгаклау кичәсендә Иске Җөри авылы китапханәчесе дә булды һәм диплом белән бүләкләнде.