12 июнь көнне Теләче балалар китапханәсе хезмәткәрләре кече яшьтәге мәктәп балалары арасында «Это моя Родина, это моя Россия» дигән рәсем конкурсы үткәрделәр.

2019 елның 18 июне, сишәмбе

Бу көнне, гадәттәгечә, районыбыз халкы Россия көнен билгеләп үтә. Ул көн милли бердәмлек, ирек, тынычлык һәм татулык, Туган илебезнең хәзергесе һәм киләчәге өчен гомуми җаваплылык символы булып тора. Конкурстан тыш, китапханәнең үзендә дә китап күргәзмәсе оештырылды, анда дәүләтебез тарихы һәм илебезнең бүгенге көне турындагы китаплар тәкъдим ителде.