22 нче июнь – Бөек Ватан сугышы башлану датасы булып тарихка кереп калган Хәтер һәм кайгы көне.

2019 елның 26 июне, чәршәмбе

Яу кырында ятып калганнарны искә алу көне. 1941 елның 22 июнендә илебез тарихында иң канкойгыч сугыш – Бөек Ватан сугышы башлана. Советлар иле 27 миллионга якын улын һәм кызын югалта. Сугыш илебезгә кан коюлар, гөнаһсыз җаннарның кыелуын, ятимлек, ачлык-ялангачлык алып килде. Әлеге дата уңаеннан Урта Мишә авыл китапханәсендә, клуб белән бергә,  "Халык хәтере - мәңгелек" исемле китап күргәзмәсе куелып,  әңгәмә үткәрелде.