"Теләче муниципаль районында Терроризм һәм экстремизмны профилактикалау"
"2018-2020 елларга Теләче муниципаль районында Терроризм һәм экстремизмны профилактикалау" муниципаль программасы һәм Теләче муниципаль районы Башкарма комитетының 2019 елның 23 августындагы 42 нче номерлы «Теләче муниципаль районы территориясендә «Экстремизмга-ЮК!» айлыгын үткәрү» турындагы карары нигезендә Теләче муниципаль районының «ФОРПОСТ» үзәге директоры Радик Сәйфетдинов район мәгариф бүлеге педагог-психологы Сәйлән Хаҗипова һәм «Олимп» яшьләр үзәге белгече Айгөл Имамиева белән берлектә 18-26 сентябрь көннәрендә район мәктәпләрендә «Терроризм һәм экстремистлык» темасына әңгәмәләр үткәрде. Теләче, Үзәк, Олы Мәтәскә, Иске Җөри, Шәтке, Олы Нырсы, Алан, Югары Кибәхуҗа урта мәктәпләренең 10 сыйныф укучылары белән «2004 елгы фаҗигале вакыйгалар белән бәйле истәлекле дата» дип исемләнгән әңгәмә үткәрелде. Теләче муниципаль районы сегментында Интернет челтәре социаль челтәрләрендә «Теләче тыңланылды», «Теләче районы яшьләре» сайтларында һәм районның рәсми сайтында социаль видеороликлар урнаштырылды.