«Үсеш ноктасында».
Теләче урта мәктәбендә федераль программага нигезләнеп эшләнгән “ Үсеш ноктасы” үзәгендә информатика, тормыш иминлеге нигезләре, шахмат һәм проектлар зонасы һәм малайлар белән кызлар өчен хезмәт кабинетлары ремонтланды. Әлеге кабинетлада “ Үсеш ноктасы” логотиплары ясалган һәм стеналар матур ачык төсләргә буялган. “ Үсеш ноктасы” үзәгенең максатлары бик изге – балаларны хезмәткә һәм һөнәргә өйрәтү, шахмат, яңа проектлар ярдәмендә максатчан һәм иҗади уйлый беләче балалар тәрбияләү.Бу кабинетларда даресләр һәм сыйныфтан тыш чаралар үткәрелә. Мәктәп укучылары « Робототехника» , « ЗD –моделирование «, « Авиамоделирование» , « Шахматлар», “ Кисү һәм тегү” һәм “ Уйлап табу” түгәрәкләрендә бик теләп шөгыльләнәләр. Хәзерге заманда һәм киләчәктә уйлый, эшли һәм иҗадка сәләтле балалар , яшьләр безнең илебезне, тормышны үстерүчеләр булырлар дип ышанабыз.