29 ноябрь көнне район балалар китапханәсендә эшләп килүче «Гөрләвек» курчак театры клубына йөрүчеләр Теләченең 3-нче номерлы «Шатлык» балалар бакчасында яңа курчак театры спектакле белән чыгыш ясадылар.

2019 елның 3 декабре, сишәмбе

«Кышка әзерләнүче куян турында әкият» нәни тамашачыларга бик ошады. Балалар һәрберсенең үз тарихы булган, балаларның шәфкатьлелеге, күңел җылысы салынган берсеннән - берсе уңай персонажлар белән таныштылар.

Мондый театраль күренешләрнең максаты булып - табигатькә карата мәхәббәт, яңа китаплар укуга омтылыш, сәхнәдә үз - үзеңне тоту культурасы тәрбияләү тора. Әкият геройлары нәниләрне битараф калдырмас, үзләре дә киләчәктә балалар китапханәсенең актив укучылары булырлар һәм яңа әсәрләр белән кызыксынырлар дип өметләнәбез.