“Тел ачкычы – китап” темасы белән 5 январь көнне Сауш авылы китапханәсендә 2019 елга йомгак ясалып “Иң күп китап укучылар” билгеләнелделәр.
Бала чакта китап укудан да күңелле нәрсә юктыр. Бигрәк тә ул китапта сиңа таныш хәлләр турында язылган булса, аны кат-кат укыйсы, алар турында иптәшләреңә сөйлисе, шигырьләрен күңелдән ятлыйсы килә. Андый китаплар — безне бала чактан зур тормышка озатып калучы, гомер буе хәтердә яңарып торучы иң якын дусларыбыз, һәр кеше китапны үзенең иң якын дусты итеп күрә. Китап — канатлы ул! Китап, үзенең канатына утыртып, сине мең елга артка илтеп ташлый, яисә ул кешене йөз елга алга алып китә. Китап — әнә шундый могҗизалы нәрсә ул...
Чарага килгән китап укучы балаларга шушы фикерләр җиткерелде.
Беренче урында – Р. Зайнуллина, икенче урында – А. Гайнетдинова, өченче урында – А. Бурганова. Иң актив китапханәгә йөрүче китап укучылар да билгеләнелде, алар –Г.Садриева, Г. Хусаинова, М. Рахматуллина, Р. Вагизов, А. Корнеев Һ.б.