Муниципаль районнар Теләче муниципаль районы

«Космос – ул без"

2020 елның 13 апреле, дүшәмбе

10 апрель көнне Олы Мәтәскә урта мәктәбендә дистанцион формада 1-11 сыйныф укучылары өчен Халыкара Космонавтика көненә багышланган «Космос – ул без" дип исемләнгән тематик дәресләр үткәрелде.

1-4 сыйныф укучылары өчен дәресләр космос дөньясына сәяхәт формасында үтте. Сыйныф җитәкчеләре дистанцион формада космос үсеше турында сөйләделәр һәм онлайн презентацияләр күрсәттеләр.

5 – 11 сыйныф укучылары өчен онлайн викториналар, мини-конференцияләр формасында дәресләр үткәрелде. Укучылар дәрескә космосның үсеше буенча зур булмаган чыгышлар әзерләделәр.

Укучылар легендар очучы-космонавт Ю.А. Гагарин турында «Ул җирне Аллах күзлегеннән күрде» дип исемләнгән видеофильм карадылар. Фильм укучыларда онытылмаслык тәэсир калдырды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Футзал 2025 буенча Татарстан Республикасы беренчелеге финалында катнашты.

2025 елның 18 декабреннән 20 декабренә кадәр «АЛГА» футбол командасы, (команда составы: Абдуллин Самир, Ибраһимов Илназ, Әхмәтвәлиев Адель, Муликов Данияр, Мөхәммәтшин Ралиф, Хәбибрахманов Азат, Шәрәфиев Азат,Сәлахов Инсаф, Мортазин Камил, Зәкиев Ильмир) өстәмә белем бирү педагогы Хәбиров Рөстәм Габделгазиз улы җитәкчелегендә 2010-2011 елгы яшүсмерләр арасында футзал 2025 буенча Татарстан Республикасы беренчелеге финалында катнашты.

Мастер-класс

16 декабрь көнне «Пушкин картасы» программасы кысаларында Иске Җөри авылы модель китапханәсендә «Яңа елга чыршы уенчыгы» ясау буенча күңелле һәм файдалы мастер-класс үткәрелде.

декабрь, 2025 ел

Ватанны саклаучылар елына һәм Бөек Ватан сугышында Җиңүнең 80 еллыгына багышланган өстәл теннисы буенча Теләче муниципаль районы Беренчелеге булып узды.

2025 елның 18 декабрендә «Батыр» спорткомплексында 1-2 класс, 3-4 класс, 5-6 класс, 7-9 класс кызлары һәм егетләре арасында, Ватанны саклаучылар елына һәм Бөек Ватан сугышында Җиңүнең 80 еллыгына багышланган өстәл теннисы буенча Теләче муниципаль районы Беренчелеге булып узды. Ярышларда районыбызның 7 мәктәбеннән 93 яшь теннисчы катнашты.

декабрь, 2025 ел

Казаклар авылы китапханәсе китапханәчесе авыл клубы белән берлектә «Язмышың үз кулыңда» дигән тема астында яшүсмерләр өчен әңгәмә үткәрделәр.

Очрашу барышында балаларга заман афәте булган наркотикларның зыяны турында җентекләп сөйләделәр, аның кеше тормышына китерә торган куркыныч нәтиҗәләрен аңлаттылар. Әңгәмә ахырында яшүсмерләр белән наркотикларның зарары турында сорау-җавап формасында кызыклы бәйге уздырылды. Әлеге чара яшь буынны сәламәт яшәү рәвеше алып барырга өндәүче, файдалы һәм мәгънәле вакыйга булып истә калды.

ЯҢАЛЫКЛАРГА ЯЗЫЛУ