Игътибар! Талпан энцефалитын профилактикалау буенча «кайнар линия"
Роспотребнадзорның Татарстан Республикасы буенча идарәсе кулланучылар хокукларын яклау һәм кеше иминлеге өлкәсендә күзәтчелек буенча Федераль хезмәт тарафыннан 2020 елның 15 маена кадәр талпан энцефалитын профилактикалау буенча «кайнар линия» үткәрелүе турында хәбәр итә.
Татарстан Республикасы Саба һәм Теләче районнарында яшәүчеләрнең сорауларына Роспотребнадзорның Татарстан Республикасы буенча идарәсенең Саба, Мамадыш, Кукмара, Теләче районнарында территориаль бүлеге белгечләре 884(362) 2-39-40 телефоны буенча җавап бирәчәк
Талпан вирус энцефалиты белэн зарарлану табигать шартларында, урманны, халыкны сәламәтләндерү һәм ял итү зоналарын төзекләндерү, авыл хуҗалыгы, гидромелиорация, төзелеш, әзерләү, һөнәрчелек, геологик, эзләнү, экспедиция, дератизация, дезинсекция, урман әзерләү эшләре үткәргәндә булырга мөмкин. Күрсәтелгән эшләрне талпан энцефалиты буенча эндемик территорияләрдә башкаручы затларга талпан вирус энцефалитына каршы планлы иммунизация үткәрү оештырылды.
Мөһим! Талпан вирус энцефалиты буенча эндемик территорияләргә ял итү, балык тоту, бакча җәмгыятьләренә һ. б. ларга чыгучы затлар медицина учреждениеләрендә талпан вирусы энцефалитына каршы түләүле нигездә прививка ясый ала. Талпан вирус энцефалитына каршы вакцинация курсын алдан ук үткәрергә кирәк. Ул 2 прививка ясатудан тора – беренчесен-октябрьдә, икенчесен 5-7 айдан соң ясарга киңәш ителә. Минималь интервал прививкалар арасында 1-2 ай. Вакцинация табигать учагына чыкканчы ике атна кала төгәлләнергә тиеш, ревакцинация бер елдан соң үткәрелә.
Эшләр башкарылган очракта яки табигать шартларында талпанга каршы индивидуаль саклану чараларын үтәргә кирәк: якты, бер тондагы кием куллану, тэнгэ тыгыз урнашкан, капюшонлы, озын җиңнәр белән тыгыз буллу кием. Талпаннардан саклау өчен куллану буенча инструкция нигезендә акарицидлы репеллентлар кулланалар. Үләнгә утырырга яки ятарга, биналарга өзелгән чәчәкләр, ботаклар кертергә ярамый. Кием-салым, тән һәм чәч, шулай ук талпаннар булуу момкин өчен йорт хайваннарын даими карап чыгарга киңәш ителә.
Исегезгә төшерәбез, талпан тешләгән очракта, квалификацияле ярдәм алу өчен яшәү урыны буенча медицина оешмасына мөрәҗәгать итәргә кирәк. Медицина учреждениесенә мөрәҗәгать итү мөмкинлеге булмаганда, талпаннарны мөстәкыйль рәвештә, тешләү урынын (5% иод, 70% спирт һ.б.) алырга, кулларны сабын белән яхшылап юарга; талпанны герметик рәвештә ябыла торган тарага төрергә һәм аны «Татарстан Республикасында Гигиена һәм эпидемиология үзәге» ФБУЗГА (Казан ш., Сеченов ур., 13а й.) талпан йогышларына тикшеренүгә тапшырырга кирәк.
Талпан вирусы инфекцияләнгән яки кеше тәненнән талпан вирусы инфекцияләнгән территориясендә алынган талпан тикшерелмәгән очракта, зыян күрүчегә талпан тешләгәннән соң 4 тәүлектән дә соңга калмыйча кеше иммуноглобулин кертелә. Талпанны талпан боррелиозына тикшерүнең уңай нәтиҗәләре булганда яки талпан тикшерелмәсә, тешләгәннән соң табиб-инфекционист, иң кыска вакыт эчендә антибиотикотерапия билгели.
Исегезгә төшерәбез, яңа короновирус йогышы буенча эпидемиологик хәлнең начар булуы һәм үз-үзеңне изоляцияләү режимы кертелү сәбәпле, Роспотребнадзорның Татарстан Республикасы буенча идарәсе халык күпләп ял итә торган урыннарга (парклар, скверлар, урман зоналары), зиратларга һ. б. йөрергә киңәш итми.
Талпан йогышлары буенча хәл Роспотребнадзорның Татарстан Республикасы буенча идарәсе контролендә кала.