Татар халкы бик борынгыдан ук аш-су әзерләргә оста булган, тәмле, оригиналь ашлар пешергән.

2021 елның 6 апреле, сишәмбе

Милли ашларның үзенчәлеге халыкның тормыш рәвешенә бәйле булган. Татар аш-су осталары бик күп төрле ашамлыклар уйлап тапканнар. Бәйрәм табыны ризыклары арасында ниндиләре генә юк. Зур табыннарга чәк-чәк, кош теле, гөбәдия, өчпочмак, бәлеш ише нигъмәтләрне куймый калмаганнар. Көндәлек тормышта коймак, белен, төрле кабартмаларны токмач салынган ит шулпасы белән ашаганнар. Сабантуй бәйрәменә алдан ук каз каклаганнар, казылык ясаганнар. 28 март көнне Олы Мәтәскә авылы мәдәният хезмәткәрләре уткәргән “Тәмлетамак” дәресендә  шулар турында сөйләнелде. Бу чарада берләшмәгә  йөрүче укучылар катнаштылар. Алар да  үзләре яратып пешерә торган ризыкларының рецептлары белән уртаклаштылар.