Муниципаль районнар Теләче муниципаль районы

Теләче муниципаль район Советының чираттагы унынчы утырышы узды.

2021 елның 25 мае, сишәмбе

19 нчы май көнне 8.00 сәгатьтә хакимиятнең утырышлар залында дүртенче чакырылыш Теләче муниципаль район Советының чираттагы унынчы утырышы узды. Утырышны муниципаль район башлыгы Н.Н. Хаҗипов алып барды. Утырыш эшендә Теләче муниципаль районы Башкарма комитеты җитәкчесе И.Х. Хәмидуллин, район Прокуроры ярдәмчесе, Теләче муниципаль район Советы һәм Башкарма комитетының җаваплы җитәкчеләре, оешма, предприятие җитәкчеләре, мәктәп директорлары катнашты.

Утырышның көн тәртибендә 4 мәсьәлә каралды.

Утырышта каралган төп мәсьәләләр:

“Теләче муниципаль районының 2020 нче елга бюджет үтәлеше турында”;
“Татарстан Республикасы Теләче муниципаль районы Контроль-хисаб палатасының 2020 нче елда эшчәнлеге буенча отчеты турында”.

Утырышта Теләче муниципаль районы финанс-бюджет палатасы рәисе Яхин Р.Р., Татарстан Республикасы Теләче муниципаль районы Контроль-хисаб палатасы рәисе С.И. Фархетдинов, Теләче муниципаль районы башлыгының коррупциягә каршы көрәш мәсьәләләре буенча ярдәмчесе Ф.Ф. Зиннәтуллиннар чыгыш ясадылар.

Һәр мәсьәлә буенча тиешле карарлар кабул ителде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

гыйнвар, 2026 ел

Яңа ел - ул ап-ак бәйрәмнәре, балалар һәм өлкәннәр өчен озын каникуллары, вакытны гаиләдә генә түгел, ә китапханәдә дә кызыклы итеп үткәрергә мөмкин булган вакыт.

Күркәм гадәт буенча, Яңа елның беренче эш көнендә, Айдар авылы китапханәсендә «Яңа елга китап белән» акциясе үткәрелде. Аның шартлары буенча беренче 5 укучыга приз, ә калган китап укучыларга «Китаплы конфетлар» татлы күчтәнәче бирелде. Китапханәгә килүчеләр өчен бу көнне сюрпризлар һәм мавыктыргыч биремнәр, яңа китаплар тәкъдим ителде. Барысы да Яңа ел моһитен чагылдырды-китаплардан ясалган, хуш ис бөркеп торучы һәм җем-җем утлары белән балкып утыручы чыршы да, яхшылык һәм ел символы булган мәрхәмәтле-атка багышланган күргәзмә дә, тылсымлы тартмачыклар да. Китапханәгә килгән, акциядә катнашучы һәркем үзе белән китап-журналлар гына түгел, рухи җылылык һәм яхшы кәеф тә алып китте.

4 январь көнне Шәдке авылы мәдәният йортында китапханә белән берлектә искиткеч матур һәм күңелле балалар чыршысы үткәрелде.

Бәйрәм программасы мавыктыргыч уеннар, җанлы музыкаль номерлар һәм дәртле биюләр белән баетылган иде. Балалар уеннарда актив катнашып, яраткан җырларын җырлап һәм биеп, күңелле, истәлекле мизгелләр бүләк иттеләр. Ә Кыш бабай белән Кар кызы бәйрәмнең чын бизәге булып, һәркемнең йөрәгенә җылылык һәм шатлык өстәде.

31 декабрьдә Иске Җөри авылы мәдәният йортында китапханә белән берлектә "Хуш киләсең, Яңа ел" дип исемләнгән күптән көтелгән Яңа ел чарасы үткәрелде.

Бу бәйрәм барлык яшь категорияләрендә яшәүчеләрне җыйды, чөнки Яңа ел-хыяллар тормышка ашкан шатлык һәм күңел ачу атмосферасы хөкем сөргән тылсымлы вакыт. Игътибар үзәгендә, әлбәттә, Кыш Бабай һәм Кар кызы — көтеп алынган кунаклар, алар үзләре белән бүләкләр генә түгел, уңай хис-кичерешләр дә алып килгәннәр. Аларның барлыкка килүе бу мизгелне түземсезлек белән көткән балаларда һәм өлкәннәрдә соклану уятты. Чара башында Иске Җөри авыл җирлеге башлыгы Зиннатуллин А.Н. котлау сүзе белән чыгыш ясады. Чара барышында барлык катнашучылар да күңелле музыкага рәхәтләнеп җырладылар һәм биеделәр, традицион Яңа ел җырларын башкардылар. Кыш бабай белән Кар Кызы бик күп кызыклы уеннар һәм конкурслар оештырды, аларда балалар да, өлкәннәр дә бик теләп катнашты.

«Ак чәчәкләр ява. Дөнья матур...»

5 гыйнвар көнне Теләче балалар китапханәсендә татар совет әдәбияты классигы Мөхәммәтһади Хәйрулла улы Такташевның тууына 125 яшь тулуга багышланган «Ак чәчәкләр ява. Дөнья матур...» дип исемләнгән викторина үткәрелде. Чарада балалар Һади Такташның тормыш юлы һәм иҗаты, шигырьләренең төп темалары, аның шигъри мирасы, татар һәм рус телләрендәге поэмаларыннан өзекләр, туганнары турында истәлекләр белән таныштылар. Әдәби сәгать азагында китапханәче балаларга Һади Такташның берничә шигырен кычкырып укыды.

ЯҢАЛЫКЛАРГА ЯЗЫЛУ