Теләче муниципаль район Советының чираттагы унберенче утырышы узды.

30 нчы июнь көнне 8.00 сәгатьтә хакимиятнең утырышлар залында дүртенче чакырылыш Теләче муниципаль район Советының чираттагы унберенче утырышы узды. Утырышны муниципаль район башлыгы Н.Н. Хаҗипов алып барды. Утырыш эшендә Теләче муниципаль районы Башкарма комитеты җитәкчесе И.Х. Хәмидуллин, район Прокуроры урынбасары, Россия Эчке эшләр министрлыгының Теләче районы буенча полиция бүлеге җитәкчесе, Теләче муниципаль район Советы һәм Башкарма комитетының җаваплы җитәкчеләре, оешма, предприятие җитәкчеләре, мәктәп директорлары катнашты.

Утырышның көн тәртибендә 7 мәсьәлә каралды.

Утырышта каралган төп мәсьәлә:

1. “Теләче муниципаль район Советының “2021 нче елга һәм 2022, 2023 нче еллар план чорына Теләче муниципаль районы бюджеты турында” 2020 нче елның 11 нче декабрендәге 24 нче номерлы карарына үзгәрешләр һәм өстәмәләр кертү турында” һәм башкалар.

Утырышта Теләче муниципаль районы финанс-бюджет палатасы рәисе  Яхин Р.Р., Теләче муниципаль районы башлыгының коррупциягә каршы көрәш мәсьәләләре буенча ярдәмчесе Ф.Ф. Зиннәтуллин, Теләче муниципаль районы Башкарма комитетының юридик бүлек җитәкчесе Ю.И. Емельянов,  Теләче муниципаль районы мөлкәт һәм җир мөнәсәбәтләре Палатасы рәисе Р.Ю. Трофимовлар чыгыш ясадылар.  

Һәр мәсьәлә буенча тиешле карарлар кабул ителде.