3 июль көнне саф һавада "Журнал-гәҗитле карусель" дип исемләнгән вакытлы матбугат көне булып узды.

2021 елның 16 июле, җомга

Ул тулысынча балалар һәм яшүсмерләр өчен вакытлы матбугатка багышланган иде. Әлеге чарага “Почемучки” клубына йөрүчеләр генә түгел, ә авылыбызның яшь кунаклары да килгән иде. Китапханәче яшь укучыларны гәҗит, журнал, мәкалә,  журналист кебек төшенчәләр белән таныштырды. Соңыннан балалар газета-журналларның үзенчәлеклен ачыклады. Балалар журналның тышлыгы - аның йөзе булуын, анда кирәкле мәгълүмат барлыгын белделәр. Без балалар журналларының өстәмә уку, әйләнә-тирә дөнья турында кызыклы мәгълүмат алу, фикер йөртү, күңел ачу һәм ял итү өчен кирәклеген ачыкладык. "Дөньяда кызыклы бар нәрсәне журналда һәм газетада белегез" дигән мавыктыргыч конкурста балалар үзләренең тапкырлыкларын күрсәтте.