Туган як, туган җир һәркем өчен газиз һәм кадерле

2021 елның 14 сентябре, сишәмбе

Кем генә яратмый икән үзенең туып-үскән җирен, туган як табигатен! Артык зур булып исәпләнмәсә дә, үзебезнең авылны, аның әкияттәгедәй гүзәл табигатен бик ярата балалар.  Авылыбызның уртасындагы “Сабира чишмәсе”- безнең чын горурлыгыбыз.

Чишмәбез элек-электән шифалы суы белән үзебезнең авыл халкын гына сөендереп калмыйча, тирә - юньдәгеләргә дә шифа өләшә. Аның суы искиткеч чиста, йомшак. 18 август көнне  чишмәбезне саклау йөзеннән "Табигатьне  саклыйк без"- дип исемләнгән тәрбияви сәгатьтә Күкчә авылы китапханәче һәм клуб мөдире берләшмәгә йөрүче балалар белән чишмәнең тирә - ягын  чүп- чардан арындырдылар. Аз гына булса да табигатьне саклауга үзебезнең өлешне кертү күңелгә рәхәтлек, җиңеллек өсти. Чиста табигать- сәламәтлекнең нигезе бит.