21 сентябрь көнне Халыкара тынычлык көне буларак билгеләп үтелә.

2021 елның 23 сентябре, пәнҗешәмбе

Әлеге вакыйга кысаларында, 18 сентябрь көнне Айдар авыл китапханәсе "Тынычлык булсын килер көннәрдә!"  дип исемләнгән тынычлык дәресе үткәрде. Әлеге дәрес дәвамында балалар бәйрәм тарихы турында мәгълүмат тыңладылар, тынычлык символы булган күгәрченнәр ясадылар, тынычлык темасын яктырткан шигырьләр, мәкальләр һәм әйтемнәр укыдылар.  Чара "Тынычлык синең өчен нәрсә ул?" дигән сораштыру белән дәвам итте. Сораштыру нәтиҗәләре буенча,  балалардан  “Тынычлык - ул халыклар дуслыгы, сугышларсыз дөнья, игелекле, яхшы кешеләр” дигән җаваплар тыңланды.