ЯҢАЛЫКЛАР
Укытучылар көне уңаеннан Күкчә авылы мәдәният хезмәткәрләре "Рәхмәт әйтәм сиңа, укытучым" дип исемләнгән очрашу кичәсендә озак еллар башлангыч мәктәптә укытучы һәм директор булып эшләп, лаеклы ялга чыккан Галиева Илһамия Шәйхеләгзәм кызы һәм бүгенге көндә дә әлеге һөнәр иясе булып эшләүче Муллахметова Ризәлә Гәбтелхәй кызы катнашты. Әлеге чарада укытучыларыбыз үзләренең тормыш елларын, укыту чорында килеп чыккан кызыклы хәлләрне сөйләп үттеләр. Ә балалар үзләрен кызыксындырган сорауларына тулы җаваплар алдылар. Шулай ук кичәгә үзенең беренче укытучысын котларга һәм әзерләгән бүләкләрен тапшырырга Саимә Зыятдинова да килгән иде. Ул котлау сүзләрен җиткергәндә, укытучысының сөенечтән күзләре яшьләнде. Әлеге җанлы очрашу чәй өстәле артында дәвам итте.
Шул уңайдан Югары Кибәхуҗа мәдәният хезмәткәрләре традициягә тугры калып өлкән буын укытучыларын бәйрәм белән котладылар.
"Укытучы" сүзе - изге сүз ул. Һәр кеше бу сүзнең тирән мәгънәсен аңлый, төшенә. Әлеге дата уңаеннан Урта Мишә авылы китапханәчесе, клуб мөдире белән берлектә, бүгенгесе көндә лаеклы ялда булган, Урта Мишә башлангыч мәктәбендә балаларга белем биргән укытучы Рәхилә апа Хафизованы бәйрәм белән котлап, изге теләкләрен теләделәр.
2020 елның 19 октябрендә «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәрләре Гайнетдинова Ф.Т., Хөсәенова Л.З. социаль хезмәтләр алучылар белән “Үткән бөек елларга баш иябез” дигән темага дәрес үткәрделәр. Дәреснең максаты: балаларда халкыбызның героик үткәне турында күзаллауларын киңәйтү, патриотик сыйфатлар һәм ватан тарихына катнашу хисе формалаштыру. Сугышның утлы өермәсе бөтен илне айкап үтте, һәр йортка, һәр гаиләгә гомерлек кайгы-хәсрәт, зур михнәтләр китерде.
Без, кеше күтәрә алмаслык зур михнәтләр кичереп, соңгы көчләрен биреп безнең азатлыгыбызны, бәйсезлегебезне һәм тормышның үзен яклап һәм саклап калган фидакарьләргә карата балаларның йөрәкләрендә тирән ихтирам һәм олы рәхмәт булдырырга тиешбез!
30 сентябрь һәм 1 октябрь көннәрендә Ачы авылы мәдәният хезмәткәрләре авылның өлкән затларын бәйрәм белән котладылар һәм азык-төлек пакетлары тапшырдылар. Аларга сәламәтлек, тынычлык, балалрының рәхмәт-шәфкатендә озын гомер кичерүләрен теләп калдылар.
Илдә беренче санлы җанисәп 1 октябрьдә башланды. Аның төп - бөтен Россия - сәхнәсе башланыр алдыннан алты ай кала, Россиянең ерак территорияләрендә яшәүче ярты миллионга кадәр кеше яңадан язылачак. Бер елдан ил халкының төгәл күләме билгеле булачак. Росстат вәкилләре яңа санлы җанисәп форматының үзенчәлекләре һәм өстенлекләре, шулай ук 1 октябрьдә Владивостокта узган Бөтенроссия Халык санын алу вакытында заманча технологияләр статистикага ачу мөмкинлекләре турында сөйләделәр.
Россиядә беренче санлы җанисәп Тыва Республикасының кайбер ерак районнарыннан (Бай-Тайгинский округы), Томск өлкәсе (Александровский, Кривошейнский һәм Тегулдецкий өлкәләре) һәм Ямало-Ненец автоном Округ (Шурышкарский өлкәсе) белән башланачак. Анда беренче канунчылар 1 октябрьдә күченделәр.
3 октябрь көнне Ачы мәдәният йортында балалар һәм яшүсмерләр белән "С несовершеннолетними о времени пребывания в осенний период в ночное время, общественных местах " дигән темага әңгәмә үткәрелде, анда Россия Эчке эшләр министрлыгының Теләче районы буенча бүлекчәсе ОУУП һәм ПДН начальнигы полиция майоры Зиннәтуллин Илнар Наил улы катнашты. Илнар Наил улы балаларга «балигъ булмаганнарның күзәтүчесезлеген һәм хокук бозуларын профилактикалау чаралары турында» гы законын сөйләде.
Баландыш авыл китапханәсендә Укытучылар көне уңаеннан социаль челтәрләрдә сыйныф җитәкчеләре һәм яраткан укытучылар өчен видеомөрәҗәгатьләр, котлаулар һәм рәхмәт сүзләре белән флешмоб оештырылды.