ЯҢАЛЫКЛАР
Без буген Шәдке балалар бакчасында ,зурлар төркеменә йөрүче балалар белән аш пешерү булмәсенә экскурсия ясадык. Балалар узләре ашый торган тәмле ашларның,боткаларның кайда пешүен күрделәр, повар Гөлнирә апалары аларга тәмле ризыкларны ничек пешерүен аңлатып китте. Балалар чиста – пөхтә аш булмәсеннән бик шатланып кайттылар.
2019 елның 28 февраль көнендә Югары Кибәхуҗа авылында яшәүче тыл ветераны Кәримуллин Мәгсум Кәримулла улына 90 яшь тулды. Шул уңайдан Мәгсум абыйга, Теләче муниципаль район башлыгының урынбасары Айрат Фатхуллин, Россия Президенты Владимир Путинның hәм Теләче муниципаль район башлыгының тәбрикләмәсен тапшырды, шулай ук Югары Кибәхуҗа авыл җирлеге башлыгы исеменнән дә котлау сүзләре җиткерелде.
Алдагы тормышында да без аңа саулык hәм аяз, тыныч күк йозе теләп калабыз.
Алар өчен «Күп белергә теләсәң энциклопедия белән дуслаш» дип исемләнгән библиографик дәрес үткәрелде. Китапханәче Гильмутдинова Р. балаларны энциклопедия төрләре, сүзлекләр һәм аларны куллану кагыйдәләре белән таныштырды.
Чарага халык медицинасын яктыртучы китаплар, дару үләннәрен җыю календаре, буклетлардан торган күргәзмә әзерләнде, аңа күзәтү ясалды. Китап укучыларга буклетлар таратылды.
Шул уңайдан, "Батырлыкка 30 ел, истәлеккә 30 ел" дип исемләнгән республика күләм конкурс игълан ителде. Казаклар авылы китапханәсе дә бу конкурска кушылды һәм рәхмәт хаты белән бүләкләнде.
Ниһаять, күптән көтелгән яз килде! Ә аның белән бергә язның беренче бәйрәме — Халыкара хатын-кызлар көне! Бу бәйрәмалдыннан безнең балалар бакчасында төрле эшчәнлек төрләре оештырылды. Балалар,бәйрәм иртәләрендә яраткан әниләренә, әбиләренә, апа-сеңелләренә башкарыр өчен,шигырьләр, җырлар, биюләр һәм шаян сценкаларөйрәнделәр.Әмма иң мөһиме, балалар бик тырышып якыннарына үз куллары бүләкләр әзерләделәр.Әниләр дә сынатмый, балалар өчен кызыклы сюрпризлар әзерли!
Бу альбомда авылларыбызның тарихы, китапханә тарихы, авылыбызның күренекле кешеләре турында язмалар урын алды. Шулай ук бу альбомда борынгы гореф – гадәтләребез, йолаларыбыз күрсәтелде.
27 февраль көнне Теләче җирлекара китапханәсенең уку залында татар язучысы-прозаик, публицист, Татарстан Республикасының халык язучысы Шәриф Камалның тууына 135 ел тулу уңаеннан, "Чын язучыларның тормышы – халык тормышы" дип исемләнгән әдәби сәгать узды. Китапханәчеләр китап укучыларны Шәриф Камал иҗаты белән таныштырдылар һәм китап күргәзмәсенә күзәтү ясадылар.
Укучылар белән берлектә язучының "Уяну", "Буранда", "Авыл мөгаллиме", "Бәхет эзләгәндә", "Акчарлаклар", "Матур туганда" әсәрләренә һәм тормыш юлына күзәтү үткәрелде. Ш. Камал гасырлар башындагы күренекле вәкилләрнең берсе, тарихның борылыш чоры шаһиты, татар әдәбиятына яңа темалар, яңа геройлар һәм хезмәт кешеләренең образларын беренчеләрдән кертүче булып таныла.
Республика балалар китапханәсенең "Батырлыкка 30 ел, хәтергә 30 ел" дигән иҗади конкурсында катнашып, балаларга һәм яшүсмерләргә патриотик, рухи-әхлакый тәрбия бирү буенча зур эш башкарганы өчен Күкчә авыл китапханәсе рәхмәт хаты белән бүләкләнде.