ЯҢАЛЫКЛАР

17
октябрь, 2015 ел
шимбә
13 октябрь көнне Иске Җөри авыл китапханәсендә “Агач яфрак белән – кеше эше белән матур” дигән мәкальләр кичәсе булды.

Балалар тәкъдим ителгән мәкальләргә бик тиз җавап бирделәр. Һәм үзләре белгән мәкальләрне дә тәкъдим иттеләр. Укучылар тырыш булсаң гына уңышларга ирешеп була, дигән нәтиҗә ясадылар. Иң актив укучыларга бүләкләр тапшырылды.
«Каурый каләм».

Әдәбият елы уңаеннан Казаклар авылы китапханәсендә “Каурый каләм” шигырьләр конкурсы игълан ителде. Һәркемнең йөрәгендә шигъри юллар уелып язылган. Барлык китап укучылар да күңелендә йөрткән шигырьләре белән уртаклаша ала.
Мәдәният хезмәткәрләренең чираттагы киңәшмәсе булып узды
13 октярь көнне район мәдәният йортында мәдәният хезмәткәрләренең  чираттагы  киңәшмәсе булып узды. Киңәшмәдә хезмәткәрләр,  уздырылган методик тикшерү нәтиҗәләре  һәм методистлар тарафыннан төзелгән рейтинг таблицасы белән таныштылар. 
“Йолдызлы сәгать” уены үткәрелде.
15 октябрь көнне Теләче Үзәк балалар китапханәсендә балалар язучысы Җәүдәт Дәрзаманның 70 яшьлек юбилее уңаеннан “Карурман кунаклары” дип исемләнгән “Йолдызлы сәгать” уены үткәрелде. Уенның программасын балалар китапханәсе мөдире Закирова Любовь Михаил кызы әзерләде һәм үткәрде. Уен 3 турдан торды. Анда барлыгы 6 бала катнашты. Дөрес җаваплар өчен уенчыларга йолдыз биреп барылды. Барлык турларны да җиңел үтеп финалга Губайдулина Зарина чыкты. Ахырдан ул уеннан алган тәэсирләре белән уртаклашты. Катнашучыларның барысына да бүләккә китаплар бирелде.
“Милли китапханәләр: үткәне һәм хәзергесе”

Теләче җирлекара китапханәсеннән методик бүлек мөдире – Саляхова Гөлчәчәк Равил кызы һәм китап туплау һәм эшкәртү бүлеге мөдире Шарифуллина Гөлсинә Галиәхмәт кызы Татарстан Республикасы Милли китапханәсе оешуга 150 ел булу уңаеннан  2015 елның 14-16 октябрендә “Милли китапханәләр: үткәне һәм хәзергесе” темасына үткәрелгән халыкара фәнни-гамәли конференциядә катнашты.
Һәр кеше тормышында эшкә дәрте ташып торган чор кайчан да булса бер узып китә һәм лаеклы ялга чыгу вакыты килеп җитә.
Дәүләт кешеләрнең пенсиягә чыгу яшен ирләр өчен 60 яшь, хатын-кызлар өчен 55 яшь итеп билгеләгән. Без пенсия күләменең нинди буласын күзаллый алабызмы? Дәүләти булмаган пенсия фондларында һәм иминият компанияләрендә махсус пенсия программалары эшләп килә. Әлеге пенсия программалары кемнең мәнфәгатьләрен яклый? 
17 октябрь көнне Мамадыш шәһәрендә Татарстан Республикасы мәгариф хезмәткәрләренең җәйге Спартакиадасы булып узды.
Әлеге ярышларда Теләче районы данын районыбызның төрле мәктәпләреннән 18 педагог яклады. 
Узган атна дәвамында балаларга белем һәм тәрбия бирү үзәге хезмәткәрләре мәгариф министрлыгы тарафыннан уздырылачак тикшерүгә әзерләнделәр.
Министрлык белгечләре Теләчегә 19-21 октябрь көннәрендә килер дип көтелә. Шул уңайдан, үзәк хезмәткәрләре укыту һәм методик эш кәгазьләрен тәртипкә китерделәр, өстәмә белем педагогларының эш программаларын тикшереп чыктылар. 
18 октябрь көне илебез Юл төзүчеләр көнен бәйрәм итә
Бүгенге көндә Юл төзү сферасында Рәсәй буенча 750 мең кеше эшли. 
16
октябрь, 2015 ел
җомга
16 нчы октябрь көнне 14.00 сәгатьтә район хакимиятенең утырышлар залында өченче чакырылыш Теләче муниципаль район Советының чираттагы икенче утырышы узды.

  Утырышның көн тәртибендә 2 мәсьәлә каралды.  

1) Теләче  муниципаль районы Башкарма комитеты  җитәкчесен билгеләү турында;

2) Теләче  муниципаль районында инвестицияләр  буенча вәкәләтле затны билгеләү турында.

 
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International