ЯҢАЛЫКЛАР

25 сентябрь көнне Максабаш авылы китапханәсендә бер - береңә хөрмәт һәм бердәмлек хисе тәрбияләү максатыннан "Без төрле, тик без бергә" исеме астында китапларга күзәтү оештырылды.

“Милләтләр кроссы” Россия Федерациясе террирториясендә  үзенең катнашучылары белән киң колач алган ярышларның берсе. Бу ярышта  ничә яшьтә булуына карамастан, спортка хәзерлеге һәм мөмкинлеге  булган һәр граждан катнаша ала. “Милләтләр кроссы”сәламәт яшәү рәвешен пропагандалый. 26 сентябрь  көнне Олы Мишә укучылары  да бу ярышта катнаштылар. 11 сыйныф укучысы Мифтахова Алия икенче урынны яулады. Алга таба да бу ярышларда актив катнашырга чакырабыз.

1 октябрь –Өлкәннәр көне.Шул уңайдан  Баландыш  төп мәктәбендә 1-4 класслар арасында “Минем  яраткан әбием һәм бабаем”дигән исем астында рәсем ,5-6 класслар арасында  инша,7-9 класслар арасында бүләк әзерләү буенча конкурслар үткәрелә.  Барлык классларда да “Аларның хезмәте хөрмәткә лаек” темасына тәрбия сәгатьләре үткәрелә.

Максабаш башлангыч мәктәбендә мәдәният йорты хезмәткәрләре белән берлектә терроризм һәм коррупциягә каршы  кичә уздырылды. Укучыларга экстремизм,терроризм төшенчәләре аңлатылды.  “Без тынычлык яклы” рәсем конкурсына йомгак ясалды.  Без террорга каршы! Илдә тынычлык булсын.