ЯҢАЛЫКЛАР

28 август көнне Югары Кибәхуҗа авылы мәдәният йорты һәм китапханә хезмәткәрлэре китап укучы балалар белән табигать кочагына ял итәргә чыктылар.

    

Шәтке авылы китапханәсендә драматург, җәмәгатъ эшлеклесе, Г.Тукай премиясе лауреаты Туфан Миннуллинның тууына 80 ел тулу уңаеннан "Сагынырлык шәхес - татарның бөек улы" дип исемләнгән китап-күргәзмә эшли башлады

Күргәзмәгә  Туфан абыйның сәхнә әсәрләре белән бергә  көндәлекләре  дә куелды. 

25 август - Җәлилчеләрне искә алу көне.

 Герой-шагыйрь Муса Җәлилнең үлгәненә 71 ел. Шул уңайдан, Баландыш авыл китапханәсендә Муса Җәлилгә багышланган күргәзмә эшли башлады.  

24 август көнне Субаш авыл китапханәсендә, китапханәче Петрова Л. балалар өчен “Китап докторлары” дип аталган конкурс – кичә оештырды.

Балалар Доктор Айболит белән очраштылар, китапларны ничек дәваларга кирәк икәнен белделәр.   

24 август көнне Ямбулат авылы китапханәсендә - Җәлилчеләрне искә алу көне уңаеннан "Үлемсез аның исеме, мәңгелек аның даны" дип исемләнгән китап күргәзмәсе куелды

Шулай ук Р. Мостафинның "Җәлилчеләр" дигән китабына күзәтү оештырылды.

24 август көнне Иске Җөри авылы китапханәчесе чишмәләрне барлау һәм чистарту максатыннан, балалар белән «Изге чишмә»гә экскурсия оештырды.

Бу сәяхәттә китапханәче балаларны чишмәләрнең тарихы белән таныштырды, аларның кайда,  ничек килеп чыгулары турында мәгълүмат бирде.  

23 август көнне Иске Җөри авылы китапханәсендә Татарстанның һәм Россиянең драматургы, прозаигы, җәмәгать эшлеклесе, Татарстанның Дәүләт бүләкләре лауреаты Туфан Миңнуллинның тууына 80 ел тулу уңаеннан “Драмаларда күӊел дөньябыз” дип исемләнгән китап күргәзмәсе эшли башлады.

Китапханәче укучыларны язучының тормыш юлы һәм иҗаты белән таныштырды.

Авылда иң кызу вакыт урып - җыю чоры.

  22 август көнне Айдар авылы китапханәсендә "Басуларда хезмәт шавы" дип исемләнгән күргәзмә оештырылды.  

22 август көнне Айдар авылы китапханәчесе кече һәм урта яшьтәге балалар белән чишмәгә экскурсия оештырды.

Юл унаенда алар чишмә суының файдасы, чишмәнең килеп чыгу тарихы белән таныштылар.  

“Авыл клублары” республикакүләм максатчан программасы нигезендә, Олы Кибәхуҗа авылында 100 урынга исәпләнгән заманча, барлык уңайлыклары булган клуб сафка басты.

 Ул фельдшер-акушерлык пунктын һәм китапханәне үз эченә алган. Күптән көтелгән бу шатлыклы вакыйгага авыл халкы да бик теләп җыелды.