Муниципаль районнар Теләче муниципаль районы

ЯҢАЛЫКЛАР

апрель, 2015 ел

чәршәмбе

Бөек Җиңүнең 70 еллыгы уңаеннан 20-28 аперль көннәрендә барлык мәдәният хезмәткәрләре «Җиңү урманы» акциясендә катнаштылар.

Акциянең максаты булып 1941-1945 елларда һәлак булган батырларыбызны онытмау, яшьләргә патриотик тәрбия бирү булып тора.

Шул уңайдан бу акциядә район мәдәният йорты хезмәткәрләре дә актив катнашты.

Олы Мәтәскә мәдәният йорты каршында Бөек Җиңүнең 70 еллыгы уңаеннан тыл ветераннары һәм сугыш чоры балалары белән берлектә агачлар утыртылды.

Бу агачлар безнең өлкәннәребезнең Олы Җиңүгә багышланган истәлекләре булып мәңге безнең күңелләрдә калачаклар. Мәдәният хезмәткәрләре исеменнән без аларга чиксез рәхмәтләребезне һәм иң изге теләкләребезне җиткердек.

Максабаш мәдәният йорты директоры, библиотекарь белән берлектә тыл ветераннары белән берлектә "Җиңү урманы"акциясенә кушылып, мәдәният йорты янында сугышта үлеп калучылар истәлегенә агачлар утырттылар.

Ветераннарыбыз әлеге акциядә бик теләп катнаштылар. Дога укып утыртылган әлеге агачлар озакламый яфрак ярып ,чәчәк атарлар.

Бүген Олы Мишә мәктәбендә дүртенче сыйныф укучыларының татар теленнән сыйфат билгесе мониторингы үткәрелде.

Бу мониторингның төп максаты: башлангыч сыйныф укучыларының татар теле фәнен өйрәнү буенча белемнәрен тикшерү һәм бәяләү.

Укучылар тестны ике вариантка бүленеп эшләделәр ул кырык минут дәвам итте.

«Авиамоделирование».

26 апрель көнне Балалар иҗат үзәгенең “Авиамоделирование” түгәрәгенә йөрүче укучылар, өстәмә белем бирү педагогы Нуртдинов Руслан Рәис улы җитәкчелегендә, Балык Бистәсендә узган иң гади моделләр белән шәхси-командалы ярышта катнашып кайттылар.

26 нчы апрель көнне Баландыш авылы мәдәният йортында татар халкының бөек шагыйре Г. Тукайның туган көненә багышланган шигырь бәйрәме уздырылды.

“Туган телнең моңлы көе” дип аталган әдәби кичәдә балаларга Г.Тукайның ятимлектә, кагылу-сугылуларда үткән балачак еллары турында сөйләнде, “Исемдә калганнар” китабыннан өзекләр укылды. Г.Тукайның мавыктыргыч әкиятләре буенча балалар белән уен оештырылды.

Айдар мәдәният йорты бакчасының сугыш кырында хәбәрсез югалганнарның исемлеге - янына яшь агачлар утыртылды.

Бу агачлар «Җиңү урманы» акциясе кысаларында һәм Бөек Җиңүнең 70 еллыгы уңаеннан утыртылды. Акциядә шулай ук Айдар авылы тыл ветераннарыда катнашты.

Әбде авылы мәдәният йорты территориясендә “Жину – урманы” акциясе кысаларында яшь агач үсентеләре утырттылар.

25 енче апрель көне Кече Нырсы башлангыч мәктәбендә “Г. Тукайның – бала чагы” дигән темага класс сәгате үткәрелде.

Г.Тукайның тормыш юлы һәм иҗатын искә алдык. Г.Тукайның шигырьләрен укыдык.

Апрельдә без һәрвакыт Тукайны искә алабыз, аның шигырьләрен кат-кат укыйбыз, аңа багышлап төрле чаралар үткәрәбез.

Шул уңайдан Күкчә авылы китапханәсендә ай буе сөекле шагыйребез Габдулла Тукайга багышланган.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ