Муниципаль районнар Теләче муниципаль районы

ЯҢАЛЫКЛАР

апрель, 2015 ел

дүшәмбе

Югары Кибәхуҗа урта мәктәбендә “Мәрхәмәтле гамәлләр ”эстафетасы дәвам итә. Бүген, 25 апрель көнне, укучылар алдан әзерләнгән савытларга, чәчәкләр күчереп утырттылар.

“Сыерчыклар килде” дип исемләнгән конкурста катнашты.

Айдәр башлангыч мәктәбенең 3 сыйныф укучысы Фаттахова Илзирә Татарстан Республикасы экология hәм табигый ресурслар министрлыгы белән берлектә “ Максидом” компаниясе оештырган “Сыерчыклар килде” дип исемләнгән конкурста катнашты. Конкурска сыерчык оясы ясап җибәрде. Илзирә диплом , истәлекле бүләк белән бүләкләнде.

26 апрель көнне бөек шагыйребез Габдулла Тукайның туган көне.

Шушы уңайдан Олы Нырсы авыл китапханәсендә “Бөек Тукай шигырьләре күңелгә якын” дип исемләнгән балалар иртәсе үткәрелде. Балалар Габдулла Тукайның шигырьләрен яттан сөйләделәр һәм “Туган тел” җырын башкардылар.

25апрель көнне Теләче районы мәдәният йортында “Туган тел көне” нә багышланган бәйрәм үткәрелде.

Бәйрәмгә Татарстанның “Җыен” фонды җитәкчеләре дә килгән иде. Безнең Казаклар авылы китапханәсе каршында оештырылган “Ахирәтләр мәҗлесе“ берләшмәсе әгъзалары бәйрәм кунакларына “Орчык өмәсе” фольклор тамашасын күрсәтте.

25 апрель көнне Сауш авылы китапханәсендә ясле балалар бакчасы белән берлектә “Без Тукайны яратабыз!” темасына тематик кичә үткәрелде.

Тукайның тормыш юлы белән таныштырылды, нәниләр өчен булган китаплары турында сөйләнелде, шигырьләре укылды. Шулай ук аның әсәрләренә нигезләнеп ясалынган мультфильмнар күрсәтелде. Кичәдә 7 кеше катнашты.

25 апрель көнне Баландыш авыл китапханәсендә Татар халкының бөек шагыйре Г.Тукайга багышлап , 1-3 сыйныф укучылары белән берлектә “Без Тукайлы халык ” дип аталган әдәби кичә уздырылды.

Кичә "Туган тел" җырын күмәк башкару белән башланып китте. Укучылар Г.Тукайның тормыш юлын, иҗатын, шигырләрен кызыксынып тыңладылар,үзләре дә сәнгатьле итеп шигырьләрен сөйләделәр.Чара электрон презентация белән үрелеп барды. Кичәдә Г.Тукай иҗатын чагылдырган китап күргәзмәсенә күзәтү уздырылды.

Баландыш авылы китапханәсендә клуб белән берлектә 23 апрель көнне “Онытырга хакыбыз юк” дип исемләнгән очрашу үткәрелде.

Бу очрашуга авылдашыбыз тыл ветераны Ахметшин Хәсән бабай һәм мәктәп укучылары чакырылды. Хәсән бабай сугыш чорындагы күргән авырлыклары, шул вакыттагы авыр тормыш турында сөйләде.

23 апрель көнне Максабаш авылы мәдәният хезмәткәрләре тыл ветераннары белән берлектә үзләренең территорияләренә агач утырттылар.

Бу изге эш мәдәният хезмәткәрләренә дә , шулай ук тыл ветераннарына да бик ошады. Ветераннар киләсе елга да килербез дип ышандырдылар.

Бөек Җиӊүнеӊ 70 еллыгы уӊаеннан Иске Җөри авылы китапханәсендә 22 апрель көнне «Җиӊү килде, җирне нурга күмеп» дип исемләнгән китап күргәзмәсе куелды.

Бөек Җиӊүнеӊ 70 еллыгы уӊаеннан Иске Җөри авылы китапханәсендә 22 апрель көнне «Җиӊү килде, җирне нурга күмеп» дип исемләнгән китап күргәзмәсе куелды. Күргәзмәдә сугыш темасын яктырткан китаплар һәм папкалар урын алды.

Җиңүнең 70 еллыгы уңаеннан Шармыш авылы китапханәсендә «Пусть всегда будет мир!» дип исемләнгән рәсем бәйгесе игъдан ителгән иде.

Бәйгедә 3 яшьтән – 15 яшькәчә балалар үзләренең рәснмнәрен китапханәгә алып килделәр. Сайлап алынган рәсемнәр V Республикакүләм балалар рәсем бәйгесендә катнашачак.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ