ЯҢАЛЫКЛАР

1
апрель, 2015 ел
чәршәмбе
30 март көнне район мәдәният йортында Бөек Җиңүнең 70 еллыгына багышлап, балигъ булмаган балалар арасында хокук бозуларны кисәтү буенча эшләүче "ФОРПОСТ" отрядлары бәйгесе булып үтте.
Бәйгедә безнең Кече Кибәхуҗа төп мәктәбе коллективы да катнашты. Укучыларыбыз "Хореография" номинациясендә II урынны алдылар,"Иң яхшы стена газетасы" номинациясендә җиңүче булдылар, командалар арасында чыгарылган гомуми нәтиҗә буенча мәктәбебезнең  "XXI  гасыр патриотлары" командасы II урынга лаек булды. Мәктәп командасына, команда җитәкчесе Мөхәмәдиева Н.Д.га  Грамоталар һәм истәлекле бүләкләр тапшырылды.Котлыйбыз!
 
2015 елның 29 мартында Казанда балалар,егет-кызлар һәм олылар арасында каратэ буенча республика беренчелеге һәм чемпионаты булып узды.

Барлыгы 10 артык команда,200 көрәшче катнашты. Спорт мәктәбе тренеры Равдин Ю.Н. җитәкчелегендә Теләче районы командасы да бик актив катнашты һәм призлы урыннар яулады.
Лесной балалар бакчасында әти-әниләр һәм балалар белән язгы ташу чорында сак булу чаралары турында төрле әңгәмәләр булды.

Тәрбияче балалар белән  “Язгы боз ястык калынлыгы булса да, ышанма!”  темасына әңгәмә уздырды. Тәрбияче балаларга су буйларына төшмәскә, боз өсләренә кермәскә икәнлеген әйтте. Яз көне боз нинди калын булса да, ул көпшәк кебек тиз ватыла. Шуңа күрә суга бату куркынычы бик зур  дип аңлатты.

        
30 нчы март көнне Теләче урта мәктәбендә укытучыларның педагогик киңәшмәсе булып үтте.
Киңәшмәдә укыту эшләре буенча директор урынбасары И.Н.  Калжанова III чиректә укыту – тәрбия эшләре буенча йомгак ясады, фәннәрне авыр үзләштерүче укучылар белән эшләү юлларын күрсәтте. Башлангыч сыйныф укытучылары Г.З. Фәрхуллина и З.Т. Мөхәммәтгәлиева дәресләргә технологик карта төзү буенча тәҗрибә уртаклаштылар.
2015 енче ел Татарстанда әдәбият елы дип игълан ителде.
Шушы көннәрдә 10 ынчы сыйныф укучылары сыйныф җитәкчеләре Әхмәтшина В.Г.белән Казанга К.Тинчурин исемендәге драма һәм комедия театрына экскурсиягә бардылар.  
“ФОРПОСТ” хәрби – патриотик смотр-конкурс
30 нчы март көнне Лесной төп гомумбелем бирү мәктәбе “ФОРПОСТ” һәм профотрядлар арасында Бөек Җиңүнең 70 еллыгына карата район күләмендә үткәрелгән хәрби – патриотик смотр-конкурста актив катнашты.” Нәфис сүз” номинациясендә уңышлы чыгыш ясап, грамота белән бүләкләнелде.
Безнең балалар бакчасында балаларның иң яратып уйнала торган уеннары - татар халык уеннары.

Халкыбызның гореф- гадәтләре, йолалары, тормыш - көнкүреш чагылышы тапкан бу уеннар балаларда өлгерлек, тапкырлык, ярдәмләшү, шулай ук кешелеклелек, шәфкатьлелек, сабырлык һәм башка күркәм сыйфатлар тәрбияли.
Безнең балалар бакчасы тәрбиячесе Касимова Гүзәлия Сайфулловна Россия- күләм "Рассударики" конкурсында " Мое рукоделие" номинацисендә, ”Вязаные цветы” дигән тема белән катнашып диплом белән бүләкләнде.

Гүзәлия Сайфулловнага алга таба да уңышлар  телибез!
Теләче 2нче номерлы балалар бакчасында, язның беренче аеннан ук, һәр шимбәдә бакча террирориясендә, тирә – юньне чистарту, кардан арындыру эшләре буенча өмә үткәрелә.

Мондый өмәләрне үткәрү безнең Теләче 2нче номерлы балалар бакчасында игелекле традициягә (гадәткә) әйләнде. Өмәләр барышында бакчаның һәр хезмәткәрләре үзләренең актив өлешләрен кертәләр, тирә – юньне тәртиптә тотуга теләп катнашалар. Үзләренең хезмәтне яратулары белән, үсеп килүче буынга үрнәк тәртип күрсәтәләр.
28 март көнне Айдар балалар бакчасы территориясендә өмә үткәрелде.
Өмәнең төп максаты - бакча тирәсендәге карларны тарату. Өмәдә балалар бакчасы эшчеләре һәм балалар да бик теләп катнаштылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International