ЯҢАЛЫКЛАР

24 март көнне башлангыч сыйныф укучылары, укытучылары Гөлсинә Гарипова җитәкчелегендә Казаклар авыл китапханәсенең кунаклары булдылар.

Авыл китапханәчесе Альбина Рахматуллина укучыларны китап белән сак эш итү кагыйдәләре белән таныштырды. 

22 март көнне Үзәк авыл җирлегендә язгы «Нәүрүз» бәйрәме үткәрелде.

Бәйрәм барышында халык өчен казанда пешкән ботка, җылы чәй, коймак  һәм башка тәмле милли ризыклар тәкъдим ителде. Командалар арсында барган спорт уеннары мәдәният йорты үзэшчәннәренең чыгышы белән бәйләнеп барды.

Бөек Җиңүнең 70 еллыгы уңаеннан Ачы мәдәният йорты хезмәткәрләре Екатериновка авылында яшәүче сугыш ветераны Секарин Борис Иванович белән очрашуда булдылар.

Очрашу вакытында ветеран узган тормышын, сугыш вакытында ничек яшәүләре турында искә алды. Ветеран сөйләгәннәре диктофонга яздырылды. Орден һәм медальләрен фотографиягә төшерделәр.

Бөек Җиңүнең 70 еллыгы уңаеннан Субаш авыл мәдәният хезмәткәрләре Романова Татьяна, Петрова Лидия тыл ветераннарының өйләренә барып, хәлләрен белешеп йөрүне дәвам итәләр.

Алар Алексеева Анна түтинең өенә барып бүгенге матбугат белән таныштырдылар. Өй эшләрендә булышып, йорт тирәләрен кар боздан чистарттылар. Тормыш иптәше, балалары да булмаган ялгыз яшәүче Анна түти мәдәният хезмәткәрләренә зур  рәхмәтләрен әйтеп озатып калды.  

Ачы авылы мәдәният йортында кул эшләре белән шөгыльләнергә яратучы «Заря» исеме астындагы берләшмэ эшләп килә.

Берләшмәгэ балалар бик теләп йөриләр. Үз куллары белән яңадан яңа сувенирлар ясарга өйрәнәләр. Соңгы  очрашуда алар пластик савыттан чәчәк вазалары ясадылар.

Ямбулат авыл клубы ике авылга: Ямбулат һәм Тәмте Мәтәскә авыл халкына хезмэт күрсәтә.

Бөек Җиңүнең 70 еллыгы уңаеннан Тәмте-Мәтәскә авылына барып тыл ветераннары белән "Ничек яшисең тыл ветераны?" дигән исем астында тыл ветераннары белән очрашып, аларның хәлләрен белешеп, үткәндәге тормышларын сөйләшеп, фотога төшереп кайтканнар. 

Март башында Теләче сәнгать мәктәбендә рәсем бүлегендә “ Балалар хыялы – серле чәчәкләр” дип исемләнгән конкурс иглан ителгән иде.

Балалар бик дәртләнеп бу  иҗади эшкә алындылар. Төсләр  бизәлешендә һәрберсе үзенең  тәкъдимнәрен кертте. 

26 март көнне Теләче балалар китапханәсендә “В стране героев Г.Х. Андерсена” дип исемләнгән танып белү сәгате үткәрелде.

Чарада кече сыйныф укучылары катнашты. Балалар ике командага бүленеп авторның әсәрләренә багышланган сорауларга җаваплар бирделәр.

Ел саен 24 нче марттан 30 мартка кадәр Теләче Балалар китапханәсендә балалар китап атналыгы үткәрелә.

Бу елны китапханә әлеге атналыкны “Пойми язык  живой природы” дип исемләнгән китап күргәзмәсе белән башлап җибәрде. Бу күргәзмәдә экология проблемасы, хайваннар дөньясының үзенчәлеклеге, табигатьнең матурлыгы турында ачык күрсәтелгән. 

25 март көнне Балалар китапханәсендә “Пионерская правда” газетына 90 ел уңаеннан “Энциклопедия нашего детства” дип исемләнгән телдән журнал үткәрелде.

Әлеге газета турында күп информация тупланган иде. Нәни укучыларга аларның әти – әниләре нинди газета укыганы, элекке һәм хәзерге газет – журналлар арасында аерманы белү кызыклы булды. Китапханәче балаларга  шулай ук “Пионерская правда” газетына үзләренең язмаларын, иҗат иткән шигырьләрен юллый алуларын аңлатты.