ЯҢАЛЫКЛАР

Теләче сәнгать мәктәбендә боек җиңүнең 70 еллыгына багышланган “Созвездие-Йолдызлык – 2015” конкурс- фестиваленә актив рәвештә әзерлек эшләре бара.

Ханипова Регина театр бүлегенә йорүче балаларны нәфис сүз буенча чыгыш ясарга әэзерли. 

18 март көнне Теләче Үзәк китапханәсендә китапханәчеләрнең чираттагы җыелышы булып узды.

Җыелышта Теләче җирлекара китапханәләр директоры Дәүлиева Ризидә Миннехановна татар халык шагыйре  Габдулла Тукайның туган көненә багышланган әдәби кичәгә хәзерлек эшләре турында сөйләде, төрле конкурсларда актив катнашу  турында сүз алып барды. 

Истәлекле бүләкләр.

Бөек  җиңүнең 70 еллыгын билгеләп үтү планында Бөек Ватан сугышы ветераннарын котлау эченә шулай ук азык-төлек пакеты һәм истәлекле бүләк тапшыру да кертелгән. 

2015 елның 15 мартында Арчадаир-атларара сында хоккей буенча Республика беренчелегенә финал уеннары булып үтте.

Теләче районнын җыелма командасы 3 ел рәттән жиңучебулды(2013,2014,2015).

2015 елның 14 мартында Теләче районының җыелма командасы муниципал хезмәткәрләр Спартакиадасы кыссаларында чаңгы ярышларында катнашты.

13 район арасында безнең команда 1 урын яулады.

Кырымның һәм Севастопольнең Россия составына кушылуның бер еллыгына багышланган сыйныф сәгатьләре.

Шармыш төп гомуми белем бирү мәктәбендә 5-9 нчы сыйныфларда Кырымның һәм Севастопольнең Россия составына кушылуның бер еллыгына багышланган сыйныф сәгатьләре үтте. 

Олимпиадада катнашу.

Балыклы башлангыч гомумбелем бирү мәктәбе укучылары Россия hәм чит ил укучылары өчен татар теленнән халыкара олимпиадада катнаштылар. Аны «ТатарТеле. ИНФО» порталы оештырды. Олимпиада онлайн тестлар рәвешендә үткәрелде.  

17 март көнне Олы Нырсы урта мәктәбендә 9 -11 сыйныф укучыларының психолог Зиннатова Г.Р. очрашуы булып узды.

Ул укучылар белән “Чыгарылыш сыйныф укучыларына имтиханнар алдыннан психологик ярдәм” темасына психологик тренинг үткәрде.

Шәтке авылы китапханәсендә өлкән яшьтәге китап укучылар газета - журналлар белән һәрдаим танышып торалар.

17 март көнне китапханәче Галимуллина К.Х. яңа килгән газета-журналларга күзәтү ясады. Бөек Җиңүнең 70 еллыгы уңаеннан ясалган "Алар Ватан өчен көрәштеләр" дигән альбом белән таныштырды. Соңыннан фикер алышулар булды. Очрашу күтәренке рухта тәмамланды.

Ветераннарны бүләкләү.

16 нчы март көнне Лесной бистәсендә гомер кичерүче  тыл ветераны - Никитина Ольга апага Олы Мәтәскә авыл җирлеге башлыгы – Валиуллин М.А., Олы Мәтәскә җирлеге ветераннар советы рәисе – Нигматзянова А.Н.  “Бөек Җиңүгә -70 ел”  юбилей медален тапшырдылар.