ЯҢАЛЫКЛАР

13
март, 2015 ел
җомга
Бөек жиңүнең 70 ел уңаеннан Балалар иҗат үзәгенең «Тамчылар» түгәрәгенә йөрүче балалар, өстәмә белем бирү педагогы Касимова Л.Р җитәкчелегендә, “Сугышчан бит” чыгару белән мәшгуль булдылар.
Бу биткә балалар актив рәвештә материаллар тупладылар. Алар күбрәк мәгълүматны исән-сау булган әби-бабалардан, авыл библиотекасыннан һәм интернет чыганакларыннан алдылар. Балаларга материал туплап аны бастырып чыгару бик ошады. Алга таба да мондый эшләр белән шөгыльләнергә теләк белдерделәр. 
2 марттан 10 мартка кадәр Олы Мишә гомуми урта белем бирү мәктәбендә башлангыч сыйныфлар атналыгы булып узды. Атналык барышында күп кенә конкурслар үткәрелде.
“ Иң сәнгатьле шигырь  сөйләүче”. “Иң оста әкият сөйләүче”,  “ Яз җитте”,  “ Бөек Җиңүгә-70 ел” темаларына рәсем конкурслары  булды.   
Бөек Җиңүгә багышланган рәсемнәр конкурсы.
Теләче урта мәктәбе укучылары  Бөек  Җиңүнең 70 еллыгына  ныклап әзерләнәләр. Алар төрле иҗади конкурсларда бик теләп катнашалар. Талантлы укучыларның эшләре  “Ветераннар оныкчыклары Җиңүне ясый” дигән рәсемнәр конкурсына җибәрелде
11 март көнне Казаклар авыл китапханәсендә Бөек Җиңүнең 70 еллыгы уңаеннан "Утлы еллар авазы" дип исемләнгән патриотик сәгать үткәрелде.
Китапханәче китап укучыларга, язучыларыбызның Бөек Ватан сугышы елларында халкыбыз батырлыгын сүрәтләгән әдәби әсәрләрләрен һәм публицистик язмаларын тәгъдим итте.  
Медаль тапшыру тантанасы үткәрелде.
Бөек Җиңүнең 70 еллыгы якынлашу уңаеннан 11 март көнне Олы Нырсы урта мәктәбендә ветераннарга медаль тапшыру тантанасы үткәрелде. 
Бөек Җиңүнең 70 еллыгы уңаеннан Теләче Үзәк иктапханәсенең уку залында «Бөек Җиңүгә 70 ел» дип исемләнгән күргәзмә эшли.
Күргәзмәдә  сугыш темасын яктырткан китаплар һәм папкалар урын алды. Күргәзмәгә рәхим итегез!
11 март көнне Иске Җөри авыл китапханәсендә «Әкият иленә сәяхәт» дип исемләнгән уен - сәяхәт уздырылды.
Әлеге чараныӊ максаты: балаларда әкиятләр укуга кызыксындыру уяту , татар халык аваз иҗаты буларак әкият турында белгәннәрне искә төшерү, әкиятләргә халык акылы, тапкырлыгы, зирәклеге салынуын аӊлату.
2015 нче елның 9 нчы маенда илебезнең зур бәйрәме - Бөек Җиңүгә 70 ел тула.
Бу  уңайдан безнең  мәктәптә уку елы башыннан ук эшчәнлек алып барыла. Бүгенге көндә һәр сыйныф хәрби-патриотик юнәлешкә караган “Герой шәһәрләр” темасы астында үзенең плакатын иҗат итү өстендә эшли. 
"Кайнар кар".
Рус теле һәм әдәбияты атналыгы кысаларында Кече Кибәхуҗа төп мәктәбендә Ю.Бондаревның “Кайнар кар” романы буенча китап укучылар конференциясе үтте. Чара Бөек Җиңүнең 70 еллыгына багышланды. 
11
март, 2015 ел
чәршәмбе
10 март көнне Югары Кибәхуҗа урта мәктәбендә, Максабаш башлангыч мәктәбе укучылары, Җиңүнең 70 еллыгы уңаеннан "Җиңүгә илткән язлар" дип исемләнгән концерт программасы белән чыгыш ясадылар.
Алар үзләренең шигырь сөйләүләре,дәртле биюләре,матур җырлары белән укучыларны сөендерделәр.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International