ЯҢАЛЫКЛАР

5
март, 2015 ел
пәнҗешәмбе
4 март көнне Иске Җөри авылы китапханәчесе Гильмутдинова Р. мәдәният йорты директоры Зиннатуллина Л. белән берлектә күмәк чана шуу ярышы уздырдылар.
«Иӊ тиз шуучылар» булып Гарифуллина Сөмбел һәм Муртазина Руфия, «Иӊ ерак шуучылар булып» Гильмутдинов Ә, Вахитов Рәмис һәм Зарипова  Камиләләр танылды. «Иӊ нәни шуучы» Гильмутдинова Әминә булды.  Әлеге ярыш «Кышкы һава-тәнгә дәва» девизы астында үткәрелде.
4 март көнне Олы Мишә авыл китапханәсендә авылдашыбыз, язучы, прозаик Рашат Низамиевныӊ 65 яшьлек юбилее уӊаеннан «Авылыбызның йөзек кашы» дип исемләнгән китап күргәзмәсенә куелган китапларына күзәтү үткәрелде.
Китапханәче Газизова Р.Ш укучыларны язучының тормыш юлы һәм иҗаты белән таныштырды. Укучылар бик теләп аның китапларын өйгә яздырып алып киттеләр.
Балалар иҗат үзәге администрациясе бу көннәрдә Бөек Ватан сугышына багышланган вертуаль музейдагы “Җиңүнең бөек исемнәре” дип исемләнгән бит өчен фотосурәтләр һәм материаллар җыю белән мәшгуль.
Районыбызда 17 исән ветеран бар. Һәрбер сугыш ветеранына барып аның хәзерге һәм элеккеге фотосурәтләре, кирәкле мәгълүматлар тупланды. Хәзерге вакытта җыелган мәгълүматларны эшкәртү өстендә эшлибез.
3 мартта Алан урта гомумбелем бирү мәктәбенең укытучылары сугыш ветераны Бари Галиевның өенә бардылар.
Үткәннәрне барлап, ветеран узган сугыш юлларын  искә алып озак сөйләштеләр. Хәзерге вакытта Алан авыл җирлегендә ике сугыш ветераны гына исән-сау. Без аларга сәламәтлек, озын гомер телибез. Рәхмәт сезгә, Ветераннар!
Шәтке авылы мәдәният йортында "Уйнагыз гармуннар" дигән кичә үткәрелде.

Әлеге кичәдә авылыбызда яшәүче 8 гармунчы катнашты. Кичә җыр - биюләр белән үрелеп барды.  Бу биюләрне берләшмәләргә йөрүче кызлар башкарды. Кичәдә җырларның күбесе гармунга башкарылды. 

 

 
Олы Мишә авылы мәдәният йортында вокал һәм хореография буенча эшли торган берләшмәләр эше дәвам итә.
Балалар бу түгәрәктә теләп һәм актив катнашалар. Берләшмәләрдә өйрәнгән һөнәрләрен алар мәдәният йортында уздырылган чараларда күрсәтәләр. Алар катнашкан соңгы чара “Сөт иле” Агрофирмасының отчет җыелышында  булды.
Казаклар авыл клубында даими рәвештә календарь бәйрәмнәр үткәрелеп тора.

Һәр кичә сценарий ярдәмендә сәхнәгэ куела. Төзегән һәр сценарий папкаларга туплана һәм методик бүлмәдә билгеле бер урынга урнаштырылып барыла.

 

 
4
март, 2015 ел
чәршәмбе
БӨЕК ҖИҢҮНЕҢ 70 ЕЛЛЫГЫНА БАГЫШЛАП.

3 март көнне Үзәк балалар бакчасының  уртанчылар һәм икенче төркеме балалары Үзәк урта мәктәбе музеена бардылар.
МИНЕМ ТУГАН ҖИРЕМ.
Авторлык программасын яклау максатыннан тәрбиячебез Степанова Валентина Иван кызы  балалар белән бергәлектә Мишә елгасына экскурсиягә бардылар. Башта балалар белән елга буенда үзеңне ничек тоту турында кагыйдәләрен искә төшерделәр. 
П.П. Ерршовның "Конек-горбунок" әкияте буенча уен – сәяхәт үткәрелде.

4 март көнне Шармыш авылы китапханәсендә П.П. Ерршовның  "Конек-горбунок" әкияте буенча уен – сәяхәт үткәрелде. Уен барышында Ершов Петр Павловичның биографиясе һәм иҗаты  белән танышылды. Мондый чаралар китап укуга кызыксыну уята.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International