ЯҢАЛЫКЛАР

ОГЭ га әзерек.

5 мартта Алан урта гомумбелем бирү мәктәбендә рус теле һәм әдәбияты укытучысы Зинатуллин Ф.В. 9 сыйныф укучылары белән ОГЭ га әзерлек буенча косультация уздырды.

4 март көнне Казаклар авылы китапханәсендә “Ахирәтләр мәҗлесе” берләшмәсе “Орчык өмәсе” кичәсенә әзерлек эшен башлап җибәрде.

Без балаларда татар халкының җырлы- биюле уеннарына, йолаларына, татар халык авыз иҗатына мәхәббәт тәрбияләү максатыннан кичәгә әзерләнәбез.

5 март көнне "Форпост " яшьләр үзәге Теләче үзәк китапханәсе белән бергә солдат әниләре белән очрашу уздырды.

Кичә халыкара хатын кызлар көненә багышланды. Чара концерт номерлары һәм солдат хатлары уку белән дәвам итте. Соңыннан солдат әниләренә җылы теләкләр һәм чәчәк бәйләмнәре тапшырылды.

Бүген Теләче 3-нче номерлы балалар бакчасында “8- март” бәйрәменә багышланган бәйрәм кичәләре башланып китте.

Бәйрәмне әлбәттә кечкенәләр башладылар: 2 кечкенә төркем балалары, урта төркем һәм зурлар төркем балалары .  Алар  әниләрне, әбиләрне, дәү әниләрне, апаларны, сеңелләрне  ихластан бәйрәм белән котладылар, алар белән кызыклы уеннар уйнадылар, үз куллары белән эшләгән бүләкләрен кадерле кешеләренә тапшырдылар. Кадерле әниләр, әбиләр, апалар, сеңелләр! Көннең яктылыгы кояшта,күкнең матурлыгы йолдызларда,җир йөзенең гүзәллеге хатын-кызларда.Сезне шул җир йөзен бизәген халыкара хатын-кызлар көне белән тәбриклибез! Бәйрәмнең кайсы да тәнгә җиңеллек,рәхәтлек, җанга ял алып килә.
Шушы бәйрәм көне, елмаеп баткан кояш матурлыгын,табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен, эшләрегездә тынычлык, уңышлар сезгә! Һәрчак шулай тырыш, эш сөючән, төгәллек һәм матурлыкның нәфис өлгесе булып калуыгызны дәвам итегез. Һичкайчан авырмагыз, йөзегездән елмаю, күңелегездән 

Югары Кибәхуҗа урта мәктәбендә “Гаилә бәйрәме”.

Югары Кибәхуҗа урта мәктәбендә 1-4 сыйныф укучылары өчен  4 март көнне "Гаилә бәйрәме" үткәрелде. Чара барышында 2,3 сыйныф укучыларының әти-әниләренә каршы 4 сыйныф укучыларының әти-әниләре ярышты. 

Хәзерге вакытта Олы Мишә авыл җирлегендә 3 Бөек Ватан сугышы ветераны яши.

Алар елдан ел кими баралар. Алар инде өлкән яшьтәге кешеләр. Шуңа да карамастан алар авыл яшәеше белән кызыксынып торалар,  үзләренең бик акыллы, үткен киңәшләрен бирәләр. Габдрахманов Хәбибрахман Габдрахман улы –шуларның берсе. Безнең мәктәп укучылары аның белән һәрдаим  очрашып торалар, үзләрен кызыксындырган сорауларын бирәләр. Хәбибрахман абый ул елларны зур дулкынлану белән сөйли. Ул укучыларга бу тормышның кадерен белергә, яхшы укырга куша.

Ел укытучысы җиңүчеләре

Физика укытучысыАлексеева И.Х, химия укытучысы Пашина А.П. һәм математика укытучысы Галимханова  Г.Р. “ Ел укытучысы -2015 “ бөтенроссия конкурсының район турында катнаштылар. Алексеева И.Х һәм Пашина А.П. конкурста призер булдылар. Алар  Балтачта үтәчәк  “ Ел укытучысы -2015 “конкурсының зона турында катнашачаклар. 

4 март конне Теләче сәнгать мәктәбе 8 март бәйрәме уңаеннан “Ягез әле, кызлар” дип исемләнгән бәйрәм –конкус оештырды.

Бәйрәмне театр бүлеге укытучысы Ханипова Регина алып барды. Конкурста 30 укучы катнашты. Конкурс кызыклы уеннар , җыр биюләр белән урелеп барды. Бәйрәм ахырында  конкурста катнашучылар тамашачылар белән бергә тәмле ризыклар белән сыйландылар. 

3 нче март көнне Олы Нырсы мәктәбендә 1 нче сыйныф укучыларының “Әлифба” бәйрәме булды.

Бәйрәмгә әкият геройлары төрле бирем һәм уеннар алып килделәр. Беренче сыйныф укучылары үзләренең тапкырлыкларын, күп нәрсәгә өйрәнгәнлекләрен күрсәттеләр. Бәйрәмгә шулай ук  4 нче сыйныф укучылары да килделәр. Алар нәни дусларына бүләкләр алып килделәр һәм бәйрәм белән котладылар.

Ветераннарга медаль тапшыру тантанасы үткәрелде.

Бөек Җиңүнең 70 еллыгы якынлашу уңаеннан 4 март көнне Айдар башлангыч мәктәбендә ветераннарга медаль тапшыру тантанасы үткәрелде. Район башлыгы урынбасары Фәтхуллин А.Г ветераннарга Бөек Җиңүнең 70 еллыгы медальләрен тапшырды.