Муниципаль районнар Теләче муниципаль районы

ЯҢАЛЫКЛАР

февраль, 2015 ел

җомга

1 март көнне якташ язучыбыз Рашат Низамиевның 65 яшьлек юбилее.

Шул уңайдан 26 февраль көнне Теләче Үзәк иктапханәсенең уку залында “Йолдызларга якын булыйм диеп, мин биеккә таба үрләдем” дип исемләнгән китап күргәзмәсе куелды.

23 февраль – Ватанны саклаучылар көне уңаеннан Олы Мишә авыл китапханәсендә, мәдәният йорты белән берлектә «Китапханәләр – яшь буынга» дип аталган әңгәмә үткәрелде.

Мул табыннар артында барган бу әңгәмәнең максаты яшь буынга патриотик тәрбия бирү, китапханәләрнең яшьләр белән эшләвен активлаштыру, яңа кызыклы эш ысулларын куллануны ачыклау һәм таныту, җәмәгатьчелек игътибарын яшьләр проблемаларын чишүгә җәлеп итү.

Инглиз теле атналыгында Теләче урта мәктәбенең 2в сыйныфында “Алфавит бәйрәме” үткәрелде.

Бәйрәмдә балалар үзләренең инглиз теле алфавитын белүләрен күрсәттеләр. Кызыклы алфавит бәйрәмен инглиз теле укытучылары Хәмидуллина Л.К. һәм Алексеева Л.Г. оештырды.

Бөек Ватан сугышында Бөек Җиңунен 70 еллык уңаеннан Татарстан Республикасынын виртуалҗ музее ачылды.

Хермәтле райондашлар андагы мәгьлуматлар белән www.tatfrontu.ru адресы аша таныша аласыз

20 февраль көнне Теләче район Советының 37 нче утырышы узды.

Алан авыл җирлеге башлыгы Хаҗиев Әхмәт Габделгазиз улы “Татарстан Республикасында җирле үзидарәне үстерүдәге казанышлары өчен” медале белән бүләкләнде.

2015 елның 23 февралендә Ватанны саклаучылар көне уңаеннан Алан авыл җирлеге беренчелегенә хоккей ярышы булып узды.

Ярышта 5 команда катнашты.

Иске Җѳри урта мәктәбенең 8 класс укучысы Зайнетдинова Язгѳл «Парламент дәресе -2014» кысаларында уздырылган сочинениеләр конкурсында катнашып республикада 2 урынны алды.

25 февраль кѳнне Язгѳл Татарстан Дәүләт Советында уздырылган бүләкләү тантанасында катнашты. Ф.Х.Мѳхәммәтшин аңа II дәрәҗә Диплом һәм планшет тапшырды.

23 февраль көнне 16 ел “Муса Җәлил” колхозы рәисе булып эшләгән,”Почет Билгесе”һәм “Октябрь Революциясе”орденнары һәм медальләре белән буләкләнүче Чыңгыз Гыйззәтулла улы Хәлиловка 85 яшь тулды.

Ул хәзерге вакытта Казан шәһәрендә яши. Шушы уңайдан аны котларга Иске Җөри авыл җирлеге башкарма комитеты җитәкчесе Мараков Р.Р., хезмәт ветераннары Хайруллин Р.Г.һәм Бариев Г.Б. бардылар. Юбилее белән котлап Чыңгыз Гыйззәтулла улына Районның котлау хатын һәм истәлекле бүләк ләр тапшырдылар.

25 февраль көнне Әбде урта мәктәбендә инглиз теленнән 10 сыйныфта “Илләр географиясе”темасына ачык дәрес үткәрелде.

Укучылар инглиз телендә сөйләшүче илләр турында презентация әзерләделәр.Әлеге илләргә Бөек Британия,Америка,Австралия,Россия һәм Татарстан Республикасы да керә.Укучылар әлеге илләрнең сәясәте,дәүләт җитәкчеләре,башкалалары,тарихи истәлекле урыннары,һәр илнең үзенчәлекле яклары турында мәгълуматлар белән уртаклаштылар,фикер алыштылар.

25 нче февраль көнне Алан урта мәктәбе базасында «Ел укытучысы -2015» бәйгесенең муниципаль этабы үтте.

Анда мәктәбебезнең башлангыч сыйныфлар укытучысы – Зәйнетдинова Ләйсән Мәүлетҗан кызы катнашып, бик матур дәрес күрсәтеп кайтты. Ләйсән Мавлютзяновнаны котлыйбыз, аңа алдагы сынауларда уңышлар телибез.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ