ЯҢАЛЫКЛАР

27
февраль, 2015 ел
җомга
Бу көннәрдә “Ел укытучысы-2015” конкурсының муниципаль этабы үтә. 25 февраль көнне конкурсантлар Алан урта мәктәбендә мәртәбәле жюри каршында дәресләр күрсәттеләр.
Конкурсантлар арасында Кече Кибәхуҗа төп мәктәбенең  тарих һәм җәмгыять белеме укытучысы Рахматуллина А.Ә. дә бар. Айгөл Әбүзәровна 6 сыйныфта җәмгыять белеменнән 20 минутлык дәрес кисеме күрсәтте.
Теләче №2 балалар бакчасында, кышны озату язны каршы алу уңаеннан, “ Май чабу” бәйрәме уздырылды.
Бәйрәмнең төп геройлары шаяннар (скоморохлар) балаларның күңелләрен ачтылар. Балалар бәйрәмдә җырлар җырладылар, шигырьләр сөйләделәр, төрле кызыклы уеннарда катнаштылар. Шулай ук бәйрәмгә кунак булып Кыш, Яз, Убырлы Карчык килде. Бәйрәм бик күңелле узды, ахырдан балалар тәмле коймак белән сыйландылар.
Олы Кибәхуҗа авылы балалар бакчасында балалар саф һавада вакытны уздырырга яраталар.
     
25 февральдә Алан урта гомумбелем бирү мәктәбендә гражданлык-патриотик айлык кысаларында спорт уеннары үткәрелде.
Хәрби-спорт уеннары укучыларда  патриотик хисләр тәрбияләү белән беррәттән сәламәт тормыш рәвеше формалаштыруга да ярдәм итә. 
Лесной балалар бакчасында физик тәрбия махсус физкультура дәресләрендә, шулай ук уен эшчәнлегендә һәм балаларның көндәлек тормышында гамәлгә ашырыла.

Кечкенә яшьтән балаларда физик тәрбия үсешен ныгыту балаларның сәламәтлеген ныгытуга беренче адым   булып тора.

    
Кече Кибәхуҗа төп мәктәбендә Халыкара туган тел көненә багышлап,"Җыр булырлык сүзләр биргән Туган телем,рәхмәт сиңа! исемле мәктәпкүләм чара үтте.
Татар теле һәм әдәбияты укытучысы Закирова Г.М. балалар иртәсен ЮНЕСКОның  Генераль директоры  Коитиро Мацуураның "Ана теле бер булыр" дигән мөрәҗәгате белән башлап җибәрде. Укучылар Туган тел турында шигырьләр сөйләделәр, җырлар җырладылар, инсценировкалар сәхнәләштерделәр, викторина сорауларына җаваплар бирделәр.
24 февральдә безнең мәктәптә 6 нчы -8 нче сыйныф укучылары арасында “Ватанны саклаучылар” көненә багышланган “Смотр строя и песни” булып үтте.
Әлеге чарада  һәр сыйныф үзенең хәрби җыр башкару сәләтен һәм стройда атлап йөрү осталыгын күрсәтте. 
Иске Җөри урта мәктәбендә яхшы гадәт бар.
Ветеран укытучылар хәзер дә мәктәп тормышы белән кызыксыналар, дәресләргә керәләр, укучылар белән әңгәмәләр оештыралар. 25 февраль көнне мәктәпкә  ветеран укытучы -  Татарстан мәктәпләренең Атказанган укытучысы  Хәбибуллина Флера Таҗи кызы килде. Ул 7нче сыйныфта үткәрелгән  физика дәресенә керде. Үзенең яшь чаклары турында сөйләде, укучыларга киңәшләр бирде.
Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе.
24 февральдә, Шармыш төп гомумбелем бирү мәктәбендә Халыкара Туган тел көне уңаеннан сыйныфтан тыш чара үтте. Укучылар яттан шигырьләр сөйләделәр, табышмаклар чиштеләр, язучылар белән таныштылар.
22 нче февраль көнне, Ватанны саклаучылар бәйрәме уңаеннан, авыл яшьләренең оештыруы белән, Айдар авылы хоккей мәйданчыгында, авыл җирлеге призына хоккей ярышы булып үтте.

Уенда барлыгы биш команда катнашты. Айдар, Олы Нырсы, Олы Мишә, Алан, Максабаш  авылларыннан килгән яшьләр узләренең спорт белән җитди шөгельләнүләрен ачык күрсәттеләр.Мавыктыргыч, күтәренке күңел белән уйнадылар алар.Һәр уенчы тимераякта оста итеп шууын, кәшәкә белән эш итә белүен, шайбаны төп-төгәл капкага кертә алуын күрсәтте.  
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International