Муниципаль районнар Теләче муниципаль районы

ЯҢАЛЫКЛАР

февраль, 2015 ел

сишәмбе

14 февраль көнне Әбде авылы китапханәсендә Афган һәм Чечня сугышында хезмәт иткән солдатларның әнисе белән очрашу булып узды.

Ольга Андреевна - 6 бала анасы, 1 улы Афганистан 2 нче улы Чечняда хезмәт иткән. Ул балаларга улларының хезмәт иткән вакыты турында сөйләде, аларның хатларын укыды. Очрашу барышында балаларга «Афганистан- ты боль души моей» дип исемләнгән презентация күрсәтелде.

14 февраль көнне Шәтке урта мәктәбендә мәдәният йорты белән берлектә гашыйклар көне уңаеннан студентлар белән чыгарылыш сыйныфлар арасында "Гашыйклар утравында" дигән кичә үткәрелде

Ә 15 февраль көнне район мәдәният йортында узган “Созвездие –Йолдызлык 2015” сайлап алу турында , Шәтке авылы мәдәният йортында эшләп килүче берләшмәләргә йөрүче балалар да катнаштылар.

12 февраль көнне Олы Мәтәскә авылы китапханәсендә “Тылсымлы энә”түгәрәгендә йөрүче кызларның чираттагы дәресләр көне иде.

Алар курчакка шарф бәйләделәр. Бәйләп бетергәч аның очларына чуклар тагарга өйрәнделәр. Балалар түгәрәккә теләп йөриләр. Алар үзләренең бәйли алуларына бик сөенәләр. Балаларга өй эшләре дә бирелә.

Шармыш төп гомумбелем мәктәбендә Әфганстаннан гаскәрләрне чыгару көненә карата мәктәп линейкасы булды.

Барлык сыйныфларда да “ Россия солдаты, без синең батырлыгыңны онытмыйбыз” темасы буенча батырлык дәресләре булып үтте. Балалар Әфган сугышы вакытында безнең солдатларның батырлыклары турында белделәр, видеофильмнар карадылар.

14 нче февраль көнне Баландыш авылы мәдәният йортында гашыйклар көне уңаеннан бәйрәм кичәсе – дискотека уздырылды.

Дискотека башланганчы яшьләр белән “Яшьләребез һәм сәхнә” дигән әңгәмә оештырылды. Кичә барышында авылыбыз яшьләре күңелле уеннар белән бергә төрле халык биюләрен биеп күңел ачтылар, бер-берсенә бәйрәм белән котлап валентинкалар бирделәр.

13 февраль көнне Югары Кибәхуҗа авыл мәдәният йортында Саба районы Югары Утар балалар йорты хезмәткәрләре кунакта булды.

Балалар йорты директоры Имаметдин Гәрәевич Гәрәев, хуҗалык эшләре буенча шәфкатъ туташы Зарипова Әниса Хәмитовна, өлкән тәрбияче Сафина Рәмзия Рифкатовна, мәдәният эшләре оештыручысы Хаматова Ландыш Ильгамутдиновналар мәдәният йортының “Балачак” курчак театр-студиясе һәм халык театры эшчәнлеге белән танышып, фикерләр уртаклашты.

Республикада өлкәннәрне президент программасы нигезендә компьютер гыйлеменә өйрәтү көннән-көн активлаша.

Шул уӊайдан 13 февраль көнне Иске Җөри авыл китапханәсендә өлкәннәр өчен компьютер белән куллану дәресләре башланды.

Иске Җөри мәдәният йорты хезмәткәрләре тыл ветераннары Мортазин Хайрулла һәм Мортазина Мәдинә апаларныӊ өйләрендә булдылар.

Алар үзләренеӊ сугыш чорында эшләгән вакытларын сөйләделәр.

Балалар өчен фитнес-ул төрле күнегүләр җыентыгы, үз эченә гимнатстика, хореография, аэробика һәм башка стильләрне кертүче.

Балалар фитнесының үзенчәлеге шунда, ул баллада сыгылмалыкны, көчне, чыдамлылыкны үстерә. Фитнес шөгеле башка спорт төрләренә карый аз травмалы булып санала. Бу шөгел балаларга бик кызыклы, чөнки һэрбер шөгел уен формасында алып барыла.Шактый әһәмиятле, фитнес шөгеле балалар өчен төрле-төрле һәм шул билгеле бер стимул булып тора.

Бездә балаларны сәламәтләндерү буенча ата-аналар белән тыгыз бәйләнеш чарасы , ата-ана - бала – педагог принципы белән уза.

Ата-аналар безнең беренче ярдәмчеләребез. Без алар белән һәрбер спорт бәйрәмнәрен уздырабыз. Шулай ук алар белән гимнастика үткәрәбез. Ата-аналарның көне буе җыелган аруларын киметү өчен. Безнеңчә бу гимнастикалар гайләдә психологик сәламәтләндерү планына ярдәм итә.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ