Муниципаль районнар Теләче муниципаль районы

ЯҢАЛЫКЛАР

февраль, 2015 ел

чәршәмбе

Олы Нырсы мәктәбендә хәрби - патриотик айлык кысаларында хоккей ярышы үтте.

Ярышта Айдәр, Олы Нырсы, Алан командалары катнашты. 1 урынны-Айдәр, 2 урынны- Алан, 3 урынны- Олы Нырсы командалары яулады.

15 февраль көнне Казаклар авыл китапханәсендә “Муса Жәлил – халкым улы” дип исемләнгән әдәби кичә үткәрелде.

Укучылар шагыйрьнең иҗаты, тормыш юлы белән таныштылар, викторина сорауларына җавап бирделәр. Кичә ахырында “Муса абый – балаларның якын дусты» дигән китап күргәзмәсенә күзәтү үткәрелде.

Һәр халыкта иҗатлары белән исемнәрен мәңгелек данга күмгән шагыйрьләр бар.

14 февраль көнне Айдар авылы китапханәсендә М.Җәлилнең тууына 109 ел тулу уңаеннан "Гомере аның моңлы бер җыр" исемле шигырь укучылар конкурсы уздырылды. Конкурста 1-4 класс укучылары аның сугыш чоры шигырьләрен укыдылар.

Районыбызда үзләренең күркәм эшләре, тормыш юллары белән сокландыра торган кешелэр байтак.

13 – февраль көнне Яшел Үзән шәһәрендә узган «Ел хатын – кызы. Ел ир – аты: хатын – кыз карашы» республика бәйгесендә катнашу өчен нәкъ менә шундый райондашларыбыз сайланды. Бәйгенең калган катнашучылары 5 мартта, Пирамида да, Республикабыз президенты катнашында, узачак бәйрәмгә чакырылды.

Казанда тагын ярминкәләр башланып китте.

Бу атнада Олы Мәтәскә авыл җирлеге дә катнашты. Ярминкәдә сөт продуктлары, кайнатмалар, тозланган кыяр-помидорлар, салатлар һәм бәйләнгән әйберләр сатылды.

февраль, 2015 ел

сишәмбе

Изге Вәли көне, ягъни Барлык Гашыйклар бәйрәме 14 нче февральдә ил күләмендә билгеләп үтелә.

Айдар мәдәният йортында да Гашыйклар көне уңаеннан " Гашыйк бул син миңа! "- дип аталган бәйрәм чарасы үткәрелде. Һәрбер кавышкан пар үзләренең ярларына мәхәббәтләрен аңлаттылар, төрле конкурсларда катнаштылар. Бәйрәм азагында барлык парлыларга багышлап Айдар мәдәният йорты директоры Резеда Фаляхова төзегән плакат янында истәлеккә фотога төштеләр.

14 февраль көнне Шармыш авылы китапханәсендә «День святого Валентина» дип исемләнгән күргәзмә куелды.

Шулай ук Шармыш авылы китапханәсендә мәктәп белән берлектә сугыш ветераннарына багышланган альбомга информацияләр һәм фотолар җыю эше алып барыла.

Аралашу хәзерге көндә кешеләр үсешендә этәргеч бирүче төп шартлар булып тора.

Шуңа да карамастан, ата-аналар бала белән ничек аралашырга икәнен төгәл генә белеп бетермиләр. Шунлыктан алар арасында аңламашучанлыклар туа. Бу проблемалардан чыгу юллары белән таныштыру өчен Теләче №2 балалар бакчасының педагог-психолог Хазипова С.Н зурлар төркеменә йөрүче балаларның ата-аналар белән “Бала белән ата-ананың үзара аралашуы” темасына тренинг уздырды.

21 февраль бөтендөнья Туган тел көне буларак билгеләп үтелә.

Шул уңайдан 14 февраль көнне Субаш авыл китапханәсендә башлангыч сыйныф укучылары белән Туган тел бәйрәме үткәрелде. Бәйрәмгә балалар үзләре дә әзерлек белән килгәннәр иде. Туган телгә багышланган шигырьләр өйрәнгәннәр. Оештырган уеннарда актив катнаштылар, биеделәр, җырладылар.Соңыннан балаларга истәлекле бүләкләр бирелде.

Теләче мәктәбендә Татарстан республикасында УФСИН белгече , кадрлар буенча инструктор Кәримуллин И.Х. һәм курсант Гәйнетдинов И.Ф. белән очрашу булды.

Алар чыгарылыш сыйныф укучыларына үзләре эшләгән оешманың үзенчәлекләре, хәрби хезмәт белгечләре булу өчен үзеңне хәзерләү, хәрби профессия бирүче уку йортлары турында сөйләделәр. Соңыннан укучылар хәрби уку йортында уку шартлары турында видеофильм карарадылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ