ЯҢАЛЫКЛАР

13
февраль, 2015 ел
җомга
Бүген мәктәбебезнең поисковый отряд членнары башлангыч сыйныф укучылары өчен "Сугыш эзләре буйлап" исемле тәрбия сәгате үткәрде.

Алар укучыларга Бөек Ватан сугышы геройлары, аларның батырлыклары турында сөйләделәр. Шулай ук авылның тыл ветераннары турында презентация күрсәтелде.  Башлангыч сыйныф укучылары үзләрен кызыксындырган сорауларга җаваплар алдылар.
11 февраль көнне Республиканың химия укытучыларының фәнни-методик оешма составында мәктәп химия укытучылары КНИТУ үткәргән семинарда катнаштылар.
Теләче районында органик химия промышленносте зур үсеш кичергән чорда бу семинар-очрашу районның химия укытучылары өчен бик актуаль.
Теләче Үзәк китапханәсенең уку залында татар шагыйре Муса Җәлилнең туган көне уңаеннан «Муса Җәлил – герой шагыйрь» дип исемләнгән китап күргәзмәсе эшли.
 Әлеге күргәзмәдә шагыйрьнең күп кенә китаплары урын алды. Күргәзмәгә рәхим итегез!
12
февраль, 2015 ел
пәнҗешәмбе
12 февраль көнне Теләче муниципаль районы Советының 36 утырышы узды.
Утырыш эшендә районыбыз башлыгы Зарипов И.Ф., Теләче районы прокуроры Сунгатуллин Р.Ф., районыбыз депутатлары һәм оешмалар җитәкчеләре катнашты. Утырышның көн тәртибендә 7 мәсьәлә каралды.  
Баландыш авылы китапханәсендә Республика күләмендә үткәреләчәк “Ел ир-аты” бәйгесенә авылдашыбыз, фермер Рөстәм Мөхәммәтшинны әзерләү эшләре алып барылды

Альбом ясалды һәм презентация эшләнде.
Безнең балалар бакчасында тәрбияләнүче балаларга медицина күзәтүен Олы Нырсы фельдшер-акушерлык пункты башкара.
Менә бүген дә балалар шәфкать туташы Эльмира Накиповна Хайрутдинова безнең балаларга медицина күзәтүе уздырды.  Грипп чоры булганлыктан һәр баланың тын һәм сулыш юлларын тыңлады,балаларга һәм бакча хезмәткәрләренә "С" витаминлы ризыклардан лимон,апельсин , сарымсак, суган ашарга киңәш итте. 
Ачы мәдәният йортында җылылык системасын реконструкцияләү тәмамланды.
Хәзерге вакытта  мәдәният йортын булачак халык җыенына әзерлиләр.
Түбән Саурыш башлангыч мәктәбенең 3-4 сыйныф укучылары белән “Мөмкинме соң аны онытырга ?” дигән темага класс сәгате үткәрелде.
 Сугыш беткәнгә 70 елга  якын вакыт якынлашса да     беркем дә бернәрсә дә онытмаганлыгы турында  фикер алыштык. Безнең халыклар күпме кайгы күргән , күпме халыклар үлгән, күпме күз яшьләре түгелгән, үзләренең көчләрен кызганмыйча  тынычлык өчен көрәшкән сугышчыларга без һәрдаим бурычлыбыз. 
Теләче №2 бакчасында ата-аналар белән эшләүгә зур игътибар бирелә

Бигрәк тә бу эш мәктәпкә әзерлек төркемендә эшләүче тәрбиячеләр тарафыннан актив алып барыла.

Бу атнада Теләче №2 балалар бакчасының мәктәпкә әзерлек төркеме тәрбиячесе, Юсупова Гөлсинә Фаухетдиновна мәктәп укытучылары, әти-әниләр катнашында җыелыш уздырды. 
Хәрби – патриотик айлык кысаларында Лесной мәктәбендә ” Беркем дә, бернәрсә дә онытылмый” темасына рәсем конкурсы үткәрелә.
Конкурста укучыларыбыз бик теләп һәм бик актив катнаша.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International