Муниципаль районнар Теләче муниципаль районы

ЯҢАЛЫКЛАР

февраль, 2015 ел

чәршәмбе

4 нче сыйныф укучысы Дәүләтшина Азалия 2014 ел нәтиҗәләре буенча район укучылары арасында әдәби китапларны иң күп укучы буларак танылды.

Ул Мактау грамотасы һәм китаплар белән бүләкләнде.

Бүген Хәрби-патриотик айлык кысаларында ОБЖ укытучысы Сахапов Рафик Имамиевич "Ажаган" уенын үткәрде.

Анда 5-7 класс укучылары катнашты, алар ике командага бүленделәр, беренчесе 5-6 класс укучылары, икенче 7 класс укучылары командасы. Алар үзләренең командалары белән таныштырдылар, строй җырлары җырладылар, күп төрле ярышларда көч сынаштылар. Байракны 7 класс укучылары тапты.

Бөек Ватан сугышында җиңүнең 70 еллыгын бәйрәм итүгә әзерлек кысаларында Урта Мишә авылы китапханәчесе 10 февраль көнне сугыш чоры балалары белән очрашты.

Алар үзләренең үткән тормышы турында сөйләделэр. Бүгенге тормышның нинди рәхәт икәнлеген, бу тормышның кадерен белеп яшәргә кирәк икәнлеген әйттелэр.

Кайсы баланың гына кыю, җитез, көчле булып үсәсе килми икән?

Бу хыялларны тормышка ашырырга илебездә кертелгән “ГТО” комплексы ярдәм итәргә тиеш. Бүген укучыларыбыз ГТО нормаларының бер өлешен тапшырды. Иң яхшы күрсәткечләргә 3 сыйныфтан Шакиров. Н, 9 сыйныфтан Хасаншин. Н, Ситдикова. Л ирештеләр.

9 февраль көнне Әбде авылы китапханәсендә язучы Л.В. Успенскийның 115 еллыгы уңаеннан китапларына күзәтү үткәрелде.

Китапханәче язучы турында һәм иҗаты турында мәктәп укучыларына күп мәгълүмат бирде.

10 февраль көнне Шәтке авылы китапханәчесе Галимуллина К.Х. Шәтке балалар бакчасында "Әкият иленә сәяхәт" дип исемләнгән әдәби -сәгать үткәрде.

Бу сәгатьтә ул бакча балаларын яңа, матур рәсемле әкият китаплары белән таныштырды. "Тылсымлы сәхифәләр" китабына китап-күзәтү ясалды. Г.Тукайның "Су анасы", "Кәҗә белән сарык" әкиятләре укылды. Балалар бик кәнәгать калдылар.

9 нчы февраль көнне Иске Җөри авылы китапханәсендә Татарстанның халык шагыйре Фәнис Яруллинның туган көне уңаеннан “Шагыйрьнең йөз аклыгы” дип исемләнгән китап күргәзмәсе куелды.

Китапханәче Гильмутдинова Рузалия укучыларны язучының тормыш юлы һәм иҗаты белән таныштырды.

Татарстан Республикасы дәүләт һәм муниципаль хезмәтләр күрсәтүнең күпфункцияле үзәкләре базасында башкарылучы дәүләт, муниципаль һәм башка хезмәт күрсәтүләрнең якынча исемлегенә үзгәрешләр кертелде.

Татарстан Республикасы Министрлар Кабинетының «Татарстан Республикасы Министрлар Кабинетының аерым карарларына үзгәрешләр кертү турында» 2014 елның 24 декабрендәге 1020 номерлы Карары белән, Татарстан Республикасы Министрлар Кабинетының «Татарстан Республикасы дәүләт һәм муниципаль хезмәтләр күрсәтүнең күпфункцияле үзәкләре базасында башкарылучы дәүләт, муниципаль һәм башка хезмәт күрсәтүләрнең якынча исемлеген раслау турында» 2012 елның 21 июнендәге 539 номерлы Карары белән расланган Татарстан Республикасы дәүләт һәм муниципаль хезмәтләр күрсәтүнең күпфункцияле үзәкләре базасында башкарылучы дәүләт, муниципаль һәм башка хезмәт күрсәтүләрнең якынча исемлегенә үзгәрешләр кертелде.

VI сыйныф укучысы Әскарова Әдилә кечкенәдән фотога төшерү белән мавыга.

Ул туган ягыбыз табигатенең иң ямьле урыннарын, сыйныфташларын, укытучыларын, гаиләсен фотога төшерергә бик ярата. Әдилә "Безгә Яңа ел килә" дип исемләнгән республикакүләм фотографияләр конкурсында катнашып, район күләмендә җиңүче булды. Укучыга Балалар иҗат үзәгенең Грамотасы тапшырылды.

2015 нче елның 10 нчы февралендә безнең мәктәпкә район мәгариф бүлеге психологы Зиннатова Г.Р. килде.

Ул 1-9 сыйныф укучылары белән психологик тест, аннан соң укытучылар, сыйныф җитәкчеләре, ата-аналар белән әңгәмә үткәрде. Кызыксындырган сорауларга җавап бирде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ