Муниципаль районнар Теләче муниципаль районы

ЯҢАЛЫКЛАР

февраль, 2015 ел

дүшәмбе

7 февраль көнне Лесной авыл клубында кул эшләре берләшмәсенә йөрүче балалар белән узган ел Сочи шәһәрендә үткән Олимпиада турында әңгәмә уздырганнар.

Әлеге чарага, районыбызда үткән волейбол ярышларында 1 урынга ия булган авыл спортсменнарны да чакырганнар. Һәм ахырдан «Мин спортны яратам» дигэн темага рәсем конкурсы узган.

5 февраль көнне Лесной авыл клубында кече яшьтәге мәктәп балалары белән балаларның яраткан язучысы Габдулла Алиш әкиятләрен укуны оештырганнар.

Балаларга бигрәк тә “Атлар”, “Кем көчлерәк?”, “Ике әтәч” кебек әкиятләр ошаган.

Лесной авыл клубында урта яшьтәге мәктәп балалары белэн, 2015 ел – Парк һәм скверлар елы уңаеннан «Кеше һәм тәбигать» дигән темага очрашу үткәргәннәр.

Клуб мөдире Гөлия Вохмина әлеге очрашуга килгән укучыларга республикабыздагы парклар турында әзерләнгән парклар турында фотоматериалын тәкъдим иткән. Шулай ук, очрашуда «Минем хыялымдагы парк» дип исемләнгән рәсем конкурсына да старт бирелгән.

6 февраль көнне Кукмара муниципаль районында мәгариф хезмәткәрләренең волейбол ярышы буенча зона туры узды.

Әлеге ярышта 8 команда көч сынашты. Теләче районы данын яклап, мәктәп директорларыннан торган команда көч сынашты. “Теләче” командасы “Кукмара” һәм “ Саба” командаларына бирешеп, 3 нче урын яулады.

7 февраль көнне Теләче мәдәният йортында “Әдәбият – заман көзгесе” дип исемләнгән әдәби- музыкаль кичә үкәрелде.

Кичәдә район буенча 2014 елда “Иң күп китап укучылар”, күренекле шәхесләребез, якташ язучыларыбыз: Рашат Низамиев, Дания Гайнетдинова, Сәйдә Зыялы һәм Васил Гарифуллиннар катнашты.

6 февраль көнне Кече Кибәхуҗа авыл җирлегендә халык җыены булып үтте.

Җыенда районыбыз җитәкчесе И.Ф.Зариров, аның урынбасарлары, тармак җитәкчеләре, авыл җирлекләре башлыклары катнашты.

7 февраль көнне башлангыч сыйныф укытучысы Зәйнетдинова Л.М. “Әйләнә-тирә дөнья” дәресеннән 2 һәм 4 нче сыйныфларда ачык дәрес күрсәтте.

Бу укытучы мәктәп күләмендә үткәрелгән “ Ел укытучысы - 2015” конкурсында җиңүче дип табылды һәм район конкурсына тәкъдим ителде. Аңа уңышлар телибез!

Бүген безнең укучыларыбыз обелискларны кардан чистартырга бардылар.

Иртәгә безнең 3 укучыбыз: Фархуллин Айтуган - 8 класс укучысы, Гарифуллина Камилә- 9 класс укучысы, Нурмиева Зөһрә - 11 класс укучысы,татар теле укытучысы Салимова Резеда Гафуровна җитәкчелегендә татар теленнән республика олимпиадасына баралар. Аларга уңышлар телибез!

7 февраль көнне 7-11 сыйныф укучылары белән очрашуга сугыш чоры баласы – Мәрдәнова Әлфинур апа килде

Ул укучыларга үзенең балачак еллары - авыр вакытлар – турында сөйләде. Күп хәтирәләр әнисе сөйләве буенча иде. Әлфинур апа сугыш чорын чагылдырган үзе язган шигырьләрен дә укыды. Укучылар аңа үзләрен кызыксындырган сорауларны бирделәр.

5 февраль көнне балалар иҗат үзәгендә Бөек Ватан сугышы ветераннарына багышлап төзегән баннер яклау буенча район туры акциясе үтте.

7 нче сыйныф укучылары Бламыкова Д.В.,Зәйнетдинова Л.М. Лесной бистәсенең Бөек Ватан сугышы ветераннары буенча презентация якладылар.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ