ЯҢАЛЫКЛАР

 Югары Мәтәске авылы клубында спорт ярышлары даими уткәрелеп тора. Клубта бильярд, шахмат ярышы булып узды. Бу уенда авыл яшьләре бик теләп катнашты.

Мәктәптә уку тизлеген тикшерү кабул ителгән. Балага укырга текст бирелә, ул аны бер минут укый һәм укыган сүзләр саны санала. Уку тизлеге елга 2 тапкыр тикшерелә. 

Балалар иҗат үзәгенең өстәмә белем бирү педагогы Заһидуллина Роза Тимерхановнаның «Ирек мәйданы» газетасында “Теләчедә самолет янган” дип исемләнгән мәкаләсе дөнья күрде. “Һәрбер кеше үз гомерендә нинди дә булса бер изге эш эшләп калдырырга тиеш дип уйлыйм, - дип әйтә Роза Тимерхановна. – Шул максат белән укучы балаларны әлеге изге эшкә тартып, батыр егетләрнең исемнәрен халыкка  таныта алуыбыз белән бәхетлебез без, - ди ул. 

2 февраль- Сталинград сугышын искә алу көне уңаеннан мәктәптә тәрбия сәгатләре үткәрелде. Укучылар Ленинград блокадасы турында чыгышлар ясадылар, сорауларга җавап бирделәр, соңыннан презентация карап фикер алышу булды.

31 январь  көнне мәктәптә  “Студентлар белән очрашу” булып узды. Әлеге очрашуга  студент кызлар, егетләр чакырылды.  Алар  студент тормышы турында сөйләде,  укучыларга, укытучыларга  теләкләрен  җиткерделәр.  Очрашу җыр-бию, уен-көлке, кызыклы викториналар белән үрелеп барды. Бәйрәм ахырында дискотека үткәрелде.