ЯҢАЛЫКЛАР

3
февраль, 2015 ел
сишәмбе
Табигать почмагы.
Безнең Максабаш балалар бакчасында  кечкенә  генә табигать  почмагы бар. Бу почмакта бүлмә гөлләре урын алган.  Алар балаларның яшь  үзенчәлекләренә туры китерелеп сайланган.   Тәрбияче Сөнгатуллина  Фәридә Әхәтовна балаларны бүлмә гөлләренең төрләре белән таныштыра, аларны тәрбияләргә һәм дөрес итеп су сибәргә өйрәтә. 
Дәһшәтле Сталинград.
2 февраль Россияда сугышчан   дан  көне буларак билгеләп үтелә . 1943 елда  совет  гаскәрләре  Сталинград янындагы сугышта немец  фашистларын җиңүгә иреште.Тарихыбыз битләренә Сталинград сугышы дәһшәтле , канкойгыч булып кереп калды. 
Бөек Җиңүнең 70 еллыгы уңанннан чаралар үткәрү дәвам итә.
Мәктәптә Бөек Җиңүнең 70 еллыгы уңанннан чаралар  үткәрү дәвам итә. 5нче сыйныф укучылары   тәрбия сәгатендә”Сталинградтан Берлинга кадәр” дигән темага документаль  фильм  карадылар. 
Төзергә яратабыз.

Безнең Иске Җөри  балалар бакчасында балалар куллар катнашындагы уеннар уйнарга бик яраталар.  Бигрәк тә аларга кубиклардан һәм лего конструкторларыннан төзү ошый. 
2
февраль, 2015 ел
дүшәмбе
Рус әдәбияты дәресендә Олы Нырсы авылы мәктәбе 5 енче сыйныф укучылары Н. А. Некрасовның “Саша” әсәре буенча үзләренең ясап алып килгән эшләрен якладылар
Әлеге шигырьдә урманнарны кисү экологик проблема буларак күтәрелә.Бу проблема буенча укучылар “Урман – кисүгә кадәр һәм аннан соң” дип аталган темага рәсемнәр алып килделәр һәм аларны якладылар.
2 февраль – фашист гаскәрләрен Сталинград шәһәреннән тар – мар итү ( 1943) көне буларак билгеләп үтелә.
Шул уңайдан бүген Лесной авылы мәктәбендә сыйныф сәгатьләре үткәрелде.

 
Олы Мәтәскә авылы балалар бакчасына йөрүче балалар прогулкаларны бик ярата.

Алар тиешенчә ял  итә: саф һавада хәрәкәтле уеннар  уйныйлар, кардан әвәләп Кар бабай  ясыйлар, шул ук вакытта олыларга  булышалар, сукмактагы карларны  көриләр. Балалар үзләренең эшеннән  бик канәгать. Әнә, алар ничек бәхетле һәм шат!

    
Кече Кибәхуҗа авылы мәктәбендә физика- математика атналыгы үз эшен йомгаклады.
Атналыкта актив катнашкан укучыларга Мактау грамоталары һәм бүләкләр тапшырылды. Атналыкны нәтиҗәле итеп үткәргән фән укытучылары: Әхмәтҗанова Н.Н., Галимҗанова Г.Ә., Нигъмәтҗанова Х.Н. ларга директор приказы белән рәхмәт белдерелде. Атналык нәтиҗәләре белән сылтама аша таныша аласыз.
   
1942 елның 17 нче июленнән 1943 елның 2 нче февраленә кадәр Сталинград өчен сугыш барган. 2 нче февральдә без бу вакыйганың 72 еллыгын билгеләп үтәбез.
Шул уңайдан, Үзәк авылы мәктәбенең 9 - 11 сыйныфлар укусылары өчен "Без хәтерлибез" дигән темага викторина үткәрелде. Укучылар Сталинград сугышына кагылышлы сорауларга җавап бирделәр, Бөек Ватан сугышында мөһим урын алып торуын искә алдылар.
2 февраль - Россиядә Хәрби дан көне буларак билгеләп үтелә. Бүген Сталинград камалышы өзелүгә 72 ел.
Кече Кибәхуҗа авылы мәктәбендә бүген тарих дәресләре шул темага үтте.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International