ЯҢАЛЫКЛАР

28
гыйнвар, 2015 ел
чәршәмбе
Шәтке авыл җирлегенә кергән Шәтке авылында участок ветеринар йорты төзелә башлады.
   
Шармаш авылы мәктәбендә пневматик винтовкадан ату буенча мәктәп шәхси беренчелеген үткәрү тәмамланды.

   
25 нче январь Студентлар көне буларак билгеләп үтелә. Шул уңайдан 25 нче январь көнне китапханәдә “Ни хәлең бар, студент дустым?” – дип исемләнгән очрашу кичәсе булды.

 “Тәмле тамаклар” һәм “Кыю студентлар” исеме астында  студентлар ике командага бүленделәр. Кичә уен-викторина рәвешендә алып барылды. Студентлар сорауларга бик җитез һәм тапкыр җавап бирделәр. Уку чорында үзләре тарыган төрле кызыклы вакыйгаларны искә төшерделәр. Шулай ук җыр- бию дә читтә калмады.
Лесной авылы мәктәбендә тимурчылык отрядына 7, 8 нче сыйныф укучылары керә.
Һәр сыйныфның үзенә беркетелгән ветераны бар. Һәм алар шул ветеранга ел әйләнәсендә ярдәм күрсәтәләр. 27 нче гыйнвар көнне, 7 нче сыйныф укучылары ( җитәкче – Фәсхетдинова Р.И.) тыл ветераны – Ольга Никитинага хуҗалык эшләрендә булышып кайттылар.
Олы Мишә мәдәният йортында «Ләйсән» бию берләшмәсе эшләп килә.
Аңа 10 бала йөри.  Әлеге  берләшмәгә   йөрүче укучылар мәдәният йортында узучы мәдәни чараларның  актив катнашучылары.
22 нче гыйнвар көнне Күкчә авылы китапханәсендә 8 нче сыйныф укучысы Сәләхова Илсинәнең кул эшләреннән күргәзмә оештырылды.
Тиздән  зур бәйрәмнәр якынлаша. Якынкешеләребезгә менә дигән бүләкләр әзерлисегез килсә, китапханәгә рәхим итегез! Бәйләү серләре китапларда.
27
гыйнвар, 2015 ел
сишәмбе
Январь аенда Баландыш төп мәктәбенең ветеран укытучылары Әскәров Талип Мөһәммәтдин улы һәм Әскәрова Равзалия Кыям кызы үзләренең юбилейларын билгеләп үттеләр.
Алар озак еллар мәктәбебездә укучыларга төпле белем һәм ныклы тәрбия биреп, зур тырышлык белән хезмәт иттеләр. Аларга киләчәк тормышларында ныклы сәламәтлек, җан тынычлыгы, балаларының,оныкларының кадер-хөрмәтен тоеп,безгә үрнәк булып  яшәүләрен теләп, укытучылар коллективы бу гаиләдә булып кайтты.
27 нче гыйнвар көнне Олы Мәтәскә мәдәният йорты каршында эшләүче “Өмет” балалар театр берләшмәсенә йөрүче балалар белән Фәнис Ярулллинның “Ак яфрак” әкият-пьесасы буенча эш алып барылды.
Бу берләшмә балалары өйрәнгән спектакльләр белән мәдәният йортында үткәрелгән чараларда һәрдаим катнашып киләләр.
Берләшкән Милләтләр Оешмасы карар нигезендә 27 нче гыйнвар 1945 елда Кызыл Армия тоткыннарын үлем лагере “Освенцим”нан азат итү көне буларак билгеләп үтелә.
Освенцим-нацистларның иң зур үлем лагере булган.Сугыш елларында анда 1,4 миллион кеше үтерелә,шулардан 1,1 миллионы яһүдләр була.Әлеге лагердан исән кайткан,анда җәзалап үтерелгән,тоткыннарны азат иткән совет солдатлары батырлыгы турында һәр укучы белергә тиеш.Мәктәптә үткәрелгән тарих дәресенең темасы да әнә шул теманы яктыртты.
25 январь көнне Максабаш авылы китапханәчесе Лилия Мингазова, шул авылда яшәп, китапханәгә килеп йөри алмый торган әби-бабайларның өйләренә барып аларны газета-җурналлар белән тәэкъмин итте.
Алар бигрәк тә “Ирек мәйданы”, “Гайлә учагы” кебек газета-җурналларны үз иттеләр. Алар бик канәгать булып калдылар.
ЯҢАЛЫКЛАРГА ЯЗЫЛУ
Район турында
Документлар
Гражданнар мөрәҗәгате
Элемтә өчен белешмәләр
Телефон: 8 (84360) 2-11-89, 2-16-66
Факс: 8 (84360) 2-11-89
E-Mail: telache@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International